Taingen leh Hiangzing kikal ah mawtaw kibung, mi 5 si

Tedim leh Kawlpi kikal Taingen khuagei ah mawtaw kibung, mi 5 si

Zogam, Laitui panin Tedim – Kalaymyo zuanin apaisuk mawtaw khat Taingen leh Hiangzing kikal ah Accident cih kiza hi. Hih mawtaw sungah akigawm in mi 30 bang atuangkhawm uh kici a, tuni nitaklam 3pm hunpawl in atuahsia kici hi.

Kalay Times te genna ah atuahsiatna munpen Taingen khua khenkhit, lamkawi ah akia cihi. Taingen leh Hiangzing kikal ah Kawlpi lampan in mawtaw akahto khattawh kituak uh a, hih Laitui khuapan akipan mawtaw penin lamkhanglam ah a awn cihi.

Ahi zongin tua lamkhang lampi tepen lei akivuktawm ahih manin, leitang khauhlomawk a, tolhsuk in akhang guamsung ah mawtaw akiasuk cimawk hi.

Anuai ah Media tuamtuam te ii gelhdan linlian in pawlkhat kong suaksaksawn uhhi.

Zomi Post: Oct 10, 5:00 PM Tunitak nai 3 kim in, Laitui khuapan Kalwpi lam azuan Mawtaw pi khat Taigen lehHiangzing kikal Lamkhawi khatah tuahsia ahihman mi 5 si cihthu kiza hi.

Hih Mawtaw tuang te pen Kalaymyo pan Laitui khua a Khuado pawisim te hi in, Bawlung kimawl mi 30 kim nahihtuak hi.

Asi te min le puam ihtheihlian lohhang mi 5 kimpha khin cihthu kiza hi. A Mawtaw neite pen Pa Pum Kam aa hi in, Laitui khuami Kawlpi a teng ahihi. Thungetna ah phawkciat ni.

Tedim Post: Laaitui Khua pan Kale lam zuan a pai mi 30 a tuang mawtaw nitak nai 3:00 PM kiim pawl Taingen khuakhen lamkawi ah kia hi, cih thu kiza hi. Tulaitak misi luang 5 kimu ta a, khua kim/pam leh khualzin mipi pawl khat ki zong san laitak hi, cih thu a phualah a va huh Tg Tungpu tung pan ki za hi.

Mawtaw tuang sanggamte pen October 5-8, 2017 ni Laaitui Khua ah Khuado Tuukpeng kisui dingin Kale(Kawlpi)pan hong kuan to uh hi a, Tuukpeng ki suihna ah a khat na ngah uh ci hi.

Phualva Lungtuak Media: 8:05pm Motor Kibut napan ong nusia mi 5 te

10/10/2017|Phualva Lungtuak Media
Nu Niang Sian Cing(55) : Chyan Myae veng

Nu Vung Khen Kim(65)- Tat Oo

Nu Hau Ngaih Lun (22)- Chyan Myae veng

Lia Go Lun Niang(17) – Chyan Myae veng

Nu Nang Za Man (58)- Laitui

Mawtaw hawl : Man Man ( Pa Min : Pa Thawng Za Suan )

(Mawtaw hawlpa zong zato tung)
Kalay General Hospital ah avek-in kitunpih phawt in adangte tu a laigelh lianlai tak aki sitsit lai tak hi.

Related: Zogam ah mawtaw tuahsia, Zomi 2 in hongnusia (Kap Sum leh Dongh Sian)

Note: Tuciangciang Motor Accident vai akiza pen hihteng hiphot hi. Athu akicianzaw in atheite’n hong Update to zelzel unmaw. Hih Motor Accident tawh hong nusia sanggamte dahpihna Zomi Daily pan kong pulak uhhi. Sawltak #zomidaily