Kachin galkap KIA te’n kumpi galkap te phualpi kapsak
Myanmar, Kachin State sungah KIA te leh kumpi galkapte kikap uh cih Xinhua News pan kiza hi. KIA pen Kachin Independence Army hi a, Kachin Independence Organisation (KIO) te ii thautawi “Arm Wing” ahihi.
Tua KIA te’n Kachin State sung aom kumpi galkapte phualpi “Myanmar Military Headquarters” ah January 31 ni akipan vasim, vado uh cihi.
February 03 ni in KIA galkap 50 khawngin Myitkyina, Moe Kaung Township sung aom Lwele Village ah aki phualsah ahi kumpi galkap “Myanmar Military Camps” vasim, vakap leuleu uhhi.
Hih KIA leh Myanmar Military te kidona ah thauneu tuamtuam leh thuapi tezong kizangin pawlkhat aliamzong om kici hi.
KIA tepen Myanmar Government in avaihawm “Nationwide Ceasefire Accord (NCA)” cih gal kido nawnloh nadingin thukimna bawlna ahzong aki hello, letmat athuhlo uh ahihi. Tua KIA te’n Kachin State sungah abeisa ni 4 hunpawl akipan kumpi galkapte omna te simthei, dotheizel uhhi ci’n Local Media te’nzong genkhia uh cihi.
More: Kachin, Myitkyina aom Kanbawza Bank ah damiah lut, thein 920 puakhia
Myanmar News Agency te pulakna ah hih KIA leh Myanmar Military te kikapna pen abeisa Wednesday ni akipan Saturday nizong akizom toto hi ci’n Sunday ni in genkhia uhhi. Sawltak #zomidaily
Comment piaknop aomleh...