Malaysia thongsung ah Refugee asi tam cih kipulakkhia ahih manin thunei te’n kancianding

Malaysia thongsung ah Refugee asi tam cih kipulakkhia ahih manin thunei te’n kancianding

Malaysia gamsung akimante aki kepna “Detention Center” te ah Refugee leh Asylum Seekers te hoihtak kikemlo ahih manin mi tampi si cih The Guardian UK te’n genkhia uhhi.

2015 kum khitzawh thongsung ah gambel mi tampi si kici ahih manin, Mlalaysia Immigration Department panin ahitakpi mahhiam cih kancianna neiding uh cihi.

The Guardian te’n Tuesday ni in agenkhiatna ah Malaysia Detention Center ah thongkia tepe’n nekding an zong khamngahlo, tui kicinglo, Medical Care zong ginatak omlo cihi.

UK Newspaper khatin tuabang in apholak taktak ciangin Immigration Department te’nzong tuavai ataktakmah ahihiam cih hoihtak in akancianding kiseh taktakta uh cihi.

Thongkia akem Officers te’n thongkia te abawlsiat aki theihkhiat zenzenleh “Public Officers Regulations (Conduct and Discipline)” tawh kizui in thu kibawlding hi ci’n Immigration Department in zanni in Statement sungah khahkhia hi.

Tuaban ah Detention Depots sungah akipia nekledawn tepen Home Ministry ii sepkhuan apiak Contractors tebek in avaihawmsak uh ahihi.

Detention Depots ah akikem thongkia tepen nikhat in an leh tui 4 vei ki piading hi. Tuaban ah akiciangtan hun ii apualam ah gilkial dangtak khat aomleh Officer on Duty te tungah an leh tui ki ngetbehthei dinghi ci’n genkhia hi.

Tuabang ah thongsung ah asi akici tepen thongsung honglutma un natnagil aneite hikhading uhhi cipongmawk uhhi.

Malaysia gamsung ah Myanmar gammi tampitak in hong sihsan uhhi. Athu akizakna ah thongsungpen tuisiang gina zong omlo ahih manin, kalnatna angah tam kici hi. Tuaban ah meimatum zong angah kitam cihi.

Related: Malaysia pan Singapore tuipek in alutsawm Bangladesh gammi 4 kiman ~ ZD

Malaysia thongsung panin hongnusia Zomi tawmnawn loding hi. Malaysia gamsung ah thongkia ngeite’n honggenleh hisangin lipkhap huaizaw thamtham hi. ZD Sawltak #zomidaily