Indonesia gammi te leitung ah lampai thadahpenpen in ki ciamteh

Indonesia gammi te leitung ah lampai thadahpenpen in ki ciamteh

Stanford study reveals Indonesians laziest walkers in the world
Indonesia gammi tepen Bus Station leh Train Station khawng azuatding uhciang inzong khetawh painuamlo in, Grab ahih keileh Uber, Go-Jek cih Ride-hailing apps zangin mawtaw tuang uhhi.

USA gamsung aom Stanford University panin Research khat bawlkhia uh a, tuapanin amuhkhiatna ah Indonesia gammi tepen leitungah lampai thadahpen cih mukhia uhhi. Indonesia gammi khatin nikhatsung in Average kal 3513 bek pai uh cihi.

Leitungbup ah mihing khat ii nisim lampai kalsuanzah pen Average in kal 5000 bangin aki ciamteh ahihi. Tuatawh aki tehkak ciangin Indonesia gammi tepen nikhat in Average 3513 bek kalsuan uh ahih manin, Global Average tawh kikhai mahmah hi.

Tua Research akibawlna sungah Hong Kong khuasung aom mite pen nikhat in kal tampipi paiden uh cih mukhia uhhi. Hong Kong gamsung ah mikhatpen Average kal 6880 bang paiden ahih manin, World’s Most Active Country in ciamteh uhhi. Hong Kong zomah China hi a, Average 6180 ahihi. Tuakhit ciangin Ukraine gam hi a, nikhat in Average 6107 paiden uhhi.

Hih Research akibawlna ah Data tepen Argus leh Azumi kici Tracking Application panin akila ahihi. Leitung gamtuamtuam panin Data akila hi a, leitung gam 111 panin mi 717,627 te ii nisim kalsuanna te panin Researchers te’n Study abawl uh ahihi.

World’s laziest walker pen Indonesia (3513) hi a, tuazom ah Saudi Arabia (3807) ahihi. Malaysia gamsung aom tezong khetawh lampai athadah mahmah nahi veve a, khetawh lampai thadah athumna Malaysia in ngah hi. Malaysia gamsung aom tepen nikhat in Average kal 3963 bek khetawh lampai uh cihi.

Related: Khedap bulhlo in lampai pen cidam nadingin hoih

Hih Research akibawlna ah Zogam kihelkha hileh leitung ah khetawh lampai atampen hidekphial mahding hiven 🙂 “Germany’s Federal Institute for Posture and Mobilisation Support” pan amakai pipa ahi Dieter Breithecker inzong khedap bulhlo in lampai pen cidam nadingin hoihhi ci’n pulak khiangei hi. Sawltak #zomidaily