Malaysia, Shopping Mall sungah numei a nawngkaisak zelzel pasal khat kiman

Malaysia, Shopping Mall sungah numei a nawngkaisak zelzel pasal khat kiman

Malaysia, Shopping Complex khatah numei te a nawngkaisak zelzel “Molesting girls” khat kiman cih theStar pan kiza hi. Tuapa pen kum 26 aphakhin khat hi a, Cheras Selatan Shopping Centre sungah numei te zawhthawhbawl in, nawngkaisak zelzel cihi.

Adiakdiak in Shopping Mall Complex ii mawtaw koihna Car Parking ah numei te zawhthawh bawlzel cihi. Anunungpen numei a nawngkaisak, Molest abawlpen nung Thursday ni ahihi.

Numei tepen anunglam panin pomcip in, anawngkhawng meksak, bekthamlo, akalkawm “Private parts” khawngzong sawksakgawp cimawk hi.

Nung Thursday nitaklam 4pm hunpawl in numei kum 15 aphapan khat Car Parking ah aomlaitak tua pasalpa in ataw letsak cihi.

Tuaciang in tua numeinu zong taigawp in, anungpan tua pasalpa’n delhteitei hi. Anung panin pomsawm, matsawm in ahih zongin mankhalo bilbel hi.

Tua numeinu pen Shopping Mall sungah taisuakthei bilbel in, tuapan in alawmte tawh kimukhawm uh a, Shopping Mall sungah thunei tetung huhna ngen uhhi.

Kajang OCPD Asst Comm Othman Nanyan in zanni Saturday ni in hihvai agenkhiatna ah Shopping Mall Complex’s Security Guards leh Police te kiangah hihvai hongki zasak cihi. Tuaciang in kizongpah a, hih numei anawngkaisak zelzelpa pen Car Parking sungmah ah ki mankhiathei cihi.

Tua numeinu ii alawm numeidang te’nzong hih pasalpa mahin nawngkai sakngei ci’n genkhia uhhi.

More: Malaysia ah pasal khatin Salesgirl khat nawngkaisak ahih manin ki vuagawp

Tuapa pen Kajang Police District Headquarters ah kipuak a, athu sitcianna kineiding hi ci’n ACP Othman in genkhia hi. Tuni Sunday nidong Police Station ah Remand tawh kimanding cih kiza hi. ZD Sawltak #zomidaily