Malaysia PM Najib in thukhaamthak khat bawlkhia ta

Malaysia PM Najib in thukhaamthak khat bawlkhia ta

Malaysia PM Najib Rajab in August 1 ni aa, kipan in National Security Council cih thukhaamthak khat hongbawl khia ta hi. Hih thukhaamthak abawlkhiatna ahang pen Malaysia kumpi langpangte khauhpaitak in bawlsia in thubawl theihna ding leh PM Najib in thuneihna nakpitak in aneih semsem theihna ding ngin-na hang tawh hidan in thukhaamthak abawl khia ahi hi.

Hidan tukhaam abawlkhiatna hang in Malaysia gamsung mun khat pepeuh ah (Security Threat) lungmuan na alinglawng sak buaina apian na munte ah kumpi lam pan in thakhat thu in (Martial Law) galkap ki-ukna thukhun zatkhuan nei thei ding uh ahi hi.

Tua ahih man in hih PM Najib makaih National Security Council te in ciangtan na aneihna munte ah (Warrant) palo in mi matkhuan,thusit, thudot khuan te neithei ding uh aa, Mawtaw, Saikel te zong khawlsak in thusit, thudot khuan te neithei ding uh aa,tuakhitban ah Inn building te ah lut in thusit, thukan-na leh mi matkhuan cihte zong neithei ding uh ahi hi.

PM Najib in tulaitak aa, aphutkhak (Politic) gamvai le upadi vai tawh kisai vai tuamtuam te ah thuk-kikna aneihtheihna ding ngin-na hang tawh hibang in akhauhpai mahmah thukhaamte abawlkhia ahi hi ci-in kigensia ngeingai hi.Tuakhitban ah hih thukhaam hang in lampi tung lungpho neihna te ah akihel nuam mipi te aa ding in lauh-huai dinmun hong hita hi ci-in Institute for Democracy and Economic Affairs ah thunei khat ahi Wan Saiful Wan Jan in gen hi.

PM Najib gen-na ah hibang in thukhaamthak kabawk khiatna ahang pen migilo te dalna ding aa,kabawl khiat a hihi ci-in gen aa,ahi zong in (Opposition) alangpang lamte gen na ah PM Najib makaih kumpi alangpangte bawlsiatna ding ngiat aa hibang in thukhaaam abawl hi aa, Democracy ii thupitna, manphatna, kalsuanzia te abeisak nuam dinmun hita ahihi ci-in (Opposition) alangpangte lamte in gen khiatna nei uh hi.

Mipi pawlkhat te leuleu in hibang in thukhaamthak abawlkhiatna ahang pen (Opposition Party) te abawlsiat,asuksiatnop man hikha ding hi ci-in mipi pawlkhat in lung patauhna nei uh hi. Lungdam, Laigelh: Pau Mung Ref: AFP