Malaysia, PJ SS3 sungah numei khat aguaktang in kileh kawikawi

Malaysia, PJ SS3 sungah numei khat aguaktang in kileh kawikawi

Malaysia, PJ SS3 sungah nung Friday ni in numei khat aguaktang in sun nisanuai ah kilehkawikawi a, lamdang kisa mahmah cih theStar pan kiza hi. Video akizaih aki khahkhiazong Online Social Media tungah ki thehzak cihi.

Tua numeinu pen nisanuai himahleh khedapzong bulhlo in, aguaktang sitset in kileh kawikawi hi. Amunlian pen Jalan SS3/29, taman Universit munteng ah akileh kawikawi hi a, khuasungvak mi tampi in mukhading uh cihi. Ageinai phadiak ah Car Workshop nasem pasal pawlkhat in naimuhkhak phadiak uh cisawnsawn hi.

Numeinu pen kum 20 gualkhawngbek hipan a, zuzong khamtuaklo kici hi. Nihvei thumbei bang Car Workshop maiteng ah kilehsuk kilehto ahih manin, Workshop ah nasem pasal tebel heh hetlo uh hihtuak hi 🙂

Workshop ah nasem Mechanic Phuah Jia Chia akici, kum 40 aphakhin khatin ageinai ah vapai in hopihsawm himahleh, apau uh kitello in ki hopih theilo uhhi. Mandarin paubek in pauthei a, tuazong hoihtak kitello cihi.

Tuaciangin Workshop aom Customer khatin palik te sapsak in, palik te’n mawtaw tawh puakhia uhhi. Petaling Jaya Police te genkhiatna ah tua numei pen Vietnam gampan hi a, aminpen Fun Hau cihi.

More: Guak tang a om mawhna ahi zen tam? ~ Pau Tun Thang

Khuasung akilehkawikawi Police Patrol Car khat 1:30pm hunpawl in hihvai aki zaksak ciangin aphual ah delhpah hi. Tua Patrol Car te’n Sungai Way police station ah puak uh a, tualai ah Police Report kibawl hi. Tuakhit ciangin University Malaya Medical Centre ah kipuak cih kiza hi. ZD Sawltak #zomidaily