Malaysia, PJ sung aom EPF Building meikang, innsung ah nasem mi 527 te ahunlap in ki honkhia

Malaysia, PJ sung aom EPF Building meikang, innsung ah nasem mi 527 te ahunlap in ki honkhia

Malaysia, Petaling Jaya, Jalan Gasing lamzikpitung aom EPF Building kici innpikhat tuni Tuesday (Feb 13) ni in meikanggawp cih theStar pan kiza hi. Fire and Rescue Department te genkhiatna ah hih meikatna hangin asi aliam kuamah omlo cibilbel uhhi.

Hih EPF Building meikatna hangin Federal Highway leh Jalan Gasing lamzikpi tengah mawtaw awkcip zihziah hi. Police te’nzong Firefighter te apaitheih nadingin Jalan Gasing lamzikpi pen khakcip uhhi.

Hih meikatna vaitawh kisai in Datuk Soiman Jahid in agenkhiatna ah inndawlkhatna First Floor panin akipan hi ci’n genkhia hi. Hih EPF Building pipen inndawl 6 Floor apha hi a, First Floor ii apualam ah nasem te’n innpi puahphatna Maintenance Work asep laitak uh ahihi. Tuate nasepna panin Building ii apualam panin meikuang akipan cihi.

Meikatna avaitawh kisai in thunei ahi Fire and Rescue Services Department deputy director-general in hih EPF Building apualam akizepna in akizangtepen meikuangbaih mahmah “flammable cladding panel” akici te kizangkha ahih manin, meikuang akipat ciangin EPF Building ii apualam teng akuangzanzan hi ci’n genkhia hi.

Hihbangdan “flammable cladding panel” panin meikang pen Malaysia gamsung ah aomcilna hi a, abeisa in hihbangdan London, Grenfell khuasung ah omngeikhin cihi.

Video: EPF fire caused by spark that ignited flammable cladding panels

Khuahun salua mahmah, huih hatlai sawnsawn kawmkal ah EPF Building ii apualam akizepna tepen “flammable cladding panel” akici meikuangbaih namte hisawnsawn ahih manin meikat akipat ciangin manlangtak in kilawhto ziahziah cihi.

Hih EPF Building sungah nasem bekbek akigawm in mi 527 aom hi a, tuate khatzong pelhemlo in innpi sungpanin avek un ki honkhiathei, ki pusuaksak manhi ci’n Reporter te tungah thunei te’n genkhia uhhi.

More: London, Finsbury Park geiteng ah mawtaw in mipi nawkgawp in mi 1 si, 8 liam

Meikuang pen apualam panin akipan hi a, apualamtengbek limkatzaw ahih manin, asunglam bangmah lawhmanlozaw hi. Hih meikatna ah aphelhdingin Firefighter mi 70 in delhpah uh a, meikuang pen Minute 30 sungin ki phelhsiangzo hi. Meikat hongki zaksakpen 11:52am hun hi a, tuazawh Minute 6 sungin meikatna aphual ah meiphelding in Firefighter te ki tungpah hi ci’n thunei te’n genkhia uhhi. Sawltak #zomidaily