London, Finsbury Park geiteng ah mawtaw in mipi nawkgawp in mi 1 si, 8 liam
London khuasung aom Muslim te biakinn Mosque geiteng ah mipi khetawh avak hialhial laitak pasal khatin mawtaw tawh taihgawp ahih manin mi 1 si in, adangzong mi 8 liam cih CNA pan kiza hi.
Monday ni in North London ah thupiang hi a, mawtaw hawlpa pen kum 48 aphakhin khat ahihi. Khuasung mipi te’n namanthei uh a, tuaciang in palik te khutsung ah ki ap ci’n Police Statement ah genkhia hi.
British Prime Minister Theresa May in hih buaina pen migilo te ngongtatna “Terrorist Attack” hiding in ki ummawh cihi. Police te’nzong Terrorist Attack hiding ci uhhi.
Hih buaina pen Finsbury Park station geinai aom Seven Sisters Road ah zingsanglam 12:20am hunin akipan cihi. Muslim Council of Britain te’n agenkhiatna ah Finsbury Park Mosque panin thungen aciahte anawkgawp ci uhhi.
Video: Finsbury Park Mosque: Man dies as van hits mosque crowd – BBC News
Hih buaina ageinai panin amukha khatin BBC te tungah agenkhiatna ah mawtaw in mitaih hi ci’n mipi te awngziahziah, ku ngeingai uh cihi. White Van khat hi a, Finsbury Park Mosque ii apualam ah thunget khitciang in apusuak te ataihgawp hiding in ki ummawh cihi.
Seven Sisters Road lamzik leh ageinai khempeuh ah Ambulance, Fire Engines leh Police Cars vive tawh kidim zihziah hi.
Related: London khuasung abuaisak mi 3 te’n mipi lauthawnggawp nadingin “Fake Suicide Vest” zang
London Ambulance Service deputy director of operations Kevin Bate inzong agenkhiatna ah Ambulance Crews honkhat, Advance Paramedics leh Specialist Response Teams honkhat buaina apianna aphual ah ki paisakpah cihi. Buaina pen vengnailo ahih manin, asi aliam bangzah cih ki pulak nailo hi. London khuasung buaina pen hongki zomto ngekngek laimawk hi. Sawltak #zomidaily
Comment piaknop aomleh...