London, Croydon ah meileng kibung, mi 5 awk, 40 liam

London, Croydon ah meileng kibung, mi 5 awk, 40 liam

England, South London aom Cyoydon khuasung ah meileng Tram tekhat kibung in, mi 5 awkcip a, adang mi 40 bang liam uh cih City’s Fire Brigade pan genkhia uhhi. Met Police te genna ah hih tuahsiatna apianhun pen tuni 06:00 GMT hun hi a, tuahsiatna pen huaisia mahmah hi ci’n genkhia hi.

Tuagei ah aomkha ahi Hannah Collier kici ii genna ah aliam mite Laang ihcih Stretcher tetawh ki nawnkhia ziahziah cihi.

Police, Fire leh Ambulance Crews te tuahsiatna munah buaikhengkhang uh a, mipi te aphual ah apailoh nading in kikhaam hi ci’n genkhia hi.

Amahpen tuazan ihmulo liangin US Election Result a en thapaai kahi ci a, hih meileng tuahsiatna apianciang in gin ngaihmahmah cihi. Huihpi nung kasa ci a, tuazawh khitciang in Emergency Services te hongtung ziahziah uh a, mite awngziahziah kaza cihi.

Transport for London te ii genkhiatna ah hih aki lumlet meileng pen dawlnih aphakhat ahihi cihi. Fire Crews, British Transport Police leh London Ambulance Service tezong aphual ah buaimahmah uh cih genkhia hi. ZD Sawltak #zomidaily