Malaysia, Perak sungah mawtaw 3 kitaih in, mi 3 si, 4 liam

Malaysia, Perak sungah mawtaw 3 kitaih in, mi 3 si, 4 liam

Malaysia, Perak State sung ah zanni Saturday ni in mawtaw thumtak kiphukha in mi 3 si a, adangzong mi 4 liam cih theStar pan kiza hi. Lenggong khuageinai aom Jalan Kuala Kangsar – Grik kici lampi tungah aki taihkha uh ahihi.

Grik OCPD Supt Ismail Che Isa in agenkhiatna ah hih tuahsiatna Accident pen Saturday nitaklam 4:30pm hunpawl in Kampung Air Kala gei ah thupiang hi ci’n genkhia hi.

Aki phukha mawtaw tepen Perodua, Kia, Proton cih mawtaw nam 3 ahihi. Asi mi 3 tepen Wong Mee Lai (kum 47), Foke Yoke Wah (kum 25), Woke Mei Yong (kum 44) te hi uh a, avekun Sen te ahi uhhi.

Palik thunei te genna ah Perodua mawtaw pen anungpan in Kia mawtaw in taihsuk masa cihi. Tuaciang in Perodua mawtaw ahawlpa’nzong hoihtak lenkipthei nawnlo ahih manin, amai amalam zuanin apai Proton mawtaw khattawh kimaiphut uh cihi.

Related: Malaysia, Perak State ah mawtawpi khatin adang mawtawneu khat phukha in mi 6 sipah

Hih Accident apianlaitak in Proton mawtaw ahawlpa gei ah azi nautawi in atu cihi. Tua naupang atapa uhpen kha 7 bek aphapan hi a, mawtawhawl apapen liamgawp himahleh tua naupangno pen liamluatna omlo bilbel cih kiza hi. Sawltak #zomidaily