Waseda University: Deadline naih mahmah ta!

Waseda University: Deadline naih mahmah ta!

Waseda University in 2014 kum-a kipan Special Scholarship Program Exclusively For the Republic of the Union of Myanmar cih hong pankhia uh-a kumsim in mi 2-4 kikal bang Waseda University ah kah theih nading scholarship pia uhhi.

Scholarship pen Master & PhD a kahkhawm nuamta ding kum 5 scholarship kipia-in PhD kia a sin nuam tading kum 3 kipia hi. Subject tampi kisin thei lak-ah English tawh kisin thei leh Japan lai tawh kisin thei cih nam nih omhi. Tuate thu a neng a tawngin a nuai-a link ah kigelh khin leh a kihilhcianna tuamtuam kawllai in zong kigelh khin a hih man-in ol takin ki-en kik thei hi. Kei tuahkhak, thupi kasak diak pawlkhat konggen dinghi.

1. Tukum aiding pen kisam ta-a Feb 18, 2018 lapin sang siauh kul ahih lam kong thei sak nuam masa hi.

2. Feb 18 lapin, Research Plan khat khakkul hi. (Graduate School of Fundamental Science and Engineering, Graduate School of Creative Science and Engineering and Graduate School of Advanced Science and Engineering) cih thute a sin nuam te-in ei sinnop thutawh kituak professor te ei ngiat in direct in email tawh contact kulhi. Professor-te thu le email ih kannop leh https://www.waseda.jp/fsci/EN/admissions_gs/ ki-en theihi.

3. A tung-a subject a hilo a dangte a sinnuam te-in Research plan pen sangzum (graduate office) ah email tawh direct in khakkul hi.

4. Research Plan gelhna-ah adang ngaihsutna (idea) ih neih keileh zong amau honggelh dotna 4 teng dawngthei hamtang peuhle hang cing mahmah pahhi. Tua dotna (4) te

a. What will be the theme of your research in this program? (Bang thu taktak kan nuam nahiam?)

b. Why have you chosen this theme? (Banghang tua thu kannuam na hiam?)

c. Regarding this theme, what have you studied or researched up to this point? (Tua thutawh kisai bangkan ngeina hiam?)

d. What do you hope to do after completing this program? (Na sinna manteh bang sawmna hiam?) cihte ahihi.

Hih teng english in limtak gelh masak hong kulhi. Politic kah nuam tading ngaihsut theih nading, research topic dingin “Good governance for ethnicly Diverse Country” cih thulu bang a teel hi lehang , dotna (a) na kidawng hong hipah hi. Dotna (b) ih dawnna-ah eigam Myanmar gam-ah bang hangin good governance kinak sap pha mahmah hiam cih tel takin ih gencian kulta hi. Good governance ih neih loh manin banghang ih gam in suplawh cihteng gelhkul hi. Dotna (c) na-ah good governance tawh kisai theory lam themkhat tawh gawm kul-a, good governancecihtawh kisai kua mipil, bang laibu-in bangcih hilh cianhiam cih gen kulhi. Dotna (d) na pen hih teng sinkhin, kankhin hileng bangteng sepsawm ka hiam?, cih mailam lunggulh le veina te gelhkul hi. Ka gam-ah good governance tawh kisai pantheih na bangin pangning cih-a kipan ei lunggulh bang kigelh theihi.

A tawpna-ah, siksan laibu-te (reference) gualsuk lehang kilawm mahmah pahhi. Theih ding-ah, hih research plan pen laimai tam euau, reference tamsak neinai kullua pah masa lohi. Ih gelhteh zong general sak lualo-in data hel thei lehang hoihhi. Ka gam uhah ki-ukna hoihlo (bad governance) hi, cihciang hilo in tua hangin ih supna te tawmkhat data tawh lak theihkul hi. Ih uk, vei taktak te tom, kim, cingin, at kul hi, cih kong gennuam hi.

– Email tawh sangzum ah khak dan ding,

– Mail Address: [email protected]

– TITLE: Matching Request (Myanmar)

– Desired graduate school and degree program Desired term of enrollment (September 2018 or April 2019) (Bang graduate school ah sinnuam? Political Science? Commerce? Engineering? Cikteh kipan nuam?, cihte teel ding)

– Desired medium of supervision (Japanese or English) (Mikang lai tawh ih sin nop leh English ciding)

– Desired supervisor (if any) (Waseda ah professor sem laitak ei research bawl dingtawh kituak a mimal in ih theih a omleh amau min gelh ding. Kei hunlai ka theih omlo ahih manin kuama min ka gelh keihi.)

Tuateng gelh khitteh, Research Plan le CV tegeel tawh sang email ah khak kul dinghi.

A kician in thei nuam tading: http://www.waseda.jp/admission/en/ssp/myanmar/

Myanmar gam sung-a tu laitak omte bek siauh theih hi-a, Japan lai tawh a sin nuam te-in N1 peuhmah kisam kha dinghi. English tawh a sinnuam te-in IELTS 6.5 ahi zongin TOEFL te neile hang kisam kha dinghi. Ahi zongin tuate neihloh hangzong siauh sin veve ding kong hantawhn nuam hi. A kingah thei veve hi. Political Science tawh kisai bang Myanmar gam-a minam tawm (minorities) te deihsak diak uhhi.

Scholarship ngah theih nading kal 5-6 bang om-a, hih pen kal masa hipan ahih manin Research Plan etphat pih ding a kipan huhna tuamtuam kei mimal email le FB pan hong contact le uhcin septheih bangbang tawh hong panpih thei dinghing. Ka email: [email protected] Pau Sian Lian