Malaysia namgimtui siansuahna setzung khat puakkham, nai 16 sawtkhin in meikuang ki phelhsiang zonailo

Malaysia namgimtui siansuahna setzung khat puakkham, nai 16 sawtkhin in meikuang ki phelhsiang zonailo

Malaysia, Terengganu State sung aom namgimtui asiansuahna “Crude Oil Refinery” setzung ah sathau bempi 3 tak puakkham ahih manin, meikat akipatzawh nai 16 sungbang sawtkhin himahleh ki phelhsiangzo nailo cih NST pan kiza hi.

Terengganu State, Kemaman District sung aom Teluk Kalong Industrial Area ah akikoih sathau kholna “Crude Oil Storage Tanks” te apuakkham hi a, namgimtui in akibawlding Crude Oil vive ahih manin meikuangpen huaisia mahmah hi.

Terengganu State sungah abeisa kum tampisung hizahliang in meikang ahuaisia pen omnailo a, hih meikatna pen ahuaisia penpen in kiciamteh hi.

Amasa in Crude Oil Tank khat puakkham masa in, tuaciangin meikuang ziahziah hi. Meikuang nasialua ahih manin, agei aom Crude Oil Tank khat lawhphei a, tuakhit ciangin meikuang ki phelhzo tuanlo ahih manin, anunung ah Crude Oil Tank khatmah lawhpheibeh leuleu in, akigawm in Crude Oil Tank 3 tak akanggawp ahihi.

Hih meikatna ah aphelhdingin meiphelh Firefigher bekbek mi 150 bangin phelhhuan ngeingai uh himahleh, meikat akipatzawh nai 16 bang sawtkhin in ki phelhsiangthei tuanlo hi. Hih meikatna hangin mi 4 peuhmah liamkhinding kici a, asi liangbel kuamah ki genkhianailo hi.

Meikuang leh meikhu pen huaisialua mahmah in, agamlapi pekpan inzong vandawn ah meikhu avomto ziahziah ki galmuhthei hi.

Hih meikatna phualah Crude Oil Tank bekbek akigawm in 5 tak aom hi a, tualak ah tuciangciang 3 apuakkham, mei akangkhin ahihi. Tua meikang Crude Oil Tank 3 te sungah akigawm in sathau 20,059 litres Oil bang omding kici a, tuateng mei akuanggawp ahihi.

Video: A contract worker suffered burns from a major fire which has engulfed three giant storage tanks for crude oil at a refinery here. The massive blaze is still raging almost eight hours after it broke out at 6.15pm yesterday.

Crude Oil Tank amasapen sungah sathau Oil 4,800 litres, anihna sungah Oil 1,580 litres leh athumna sungah Oil 13,679 litres akikoih cihi.

Meikat akipat pen zanni Thursday 6.15pm hunin akipan hi a, tudongmah meikuang aki phelhsiangzo nailo cimawk hi. Ageinai aom Fire Stations tuamtuam ahi Kemaman, Chukai, Kerteh, Kijal, Cheneh, Paka, Dungun, Bandar Al-Muktaffi Billah Shah, Marang, Kuantan, Gebeng, Bandar Indera Mahkota, Kuantan cihte panin Firefighter bekbek akigawm in mi 150 bangin delhhuan in meikang aphelh ngeingai uh ahihi.

Firefighter tebek in azawhloh ciangin Emergency Response Team (ERT), Civil Defence Force leh adang Agencies tuamtuam panin Member mi 41 inzong huhhuan ngeingai uhhi. Police te’nzong khuasung mipite Public Safety aomthei nadingin tuakuam sungteng khakcipsak uhhi.

More: Yangon, Thingangyun aom puanbawlna setzung khat meikang, Kyat Thein 7000 kangtum

Hih Crude Oil Refinery pen Kemaman Bitumen Company Sdn Bhd te neihsa hi a, Company panin CEO Sanjay Groove in agenkhiatna ah nai 48 sung peuhmah in meikuang aki phelhsiangzo dingin ki lamen hi ci’n Statement ah genkhia hi. Sawltak #zomidaily