Thuthak Tomkimcing 11 Oct 2014
A. EBOLA nei Japan nu zintun na Kisit thei ding.
Mandaly pan in Tamu khua ah 30 Oct 2014 in Ko Ye Win Aung mawtaw 3G7800 tutna A ah atu Japan te Ms KawakuboYuko kici nu Tamu khua ah tung in, Shwe Oohkaa zin tun buk ah zan ngiak ahihi. 2 Oct 2014 ni in Tamu pan in Imphal pai in Ebola nat na nei dihdih hi. The Sangai Express Oct 5 in thuthang ah suaksak ahih man in Mandaly azin tunna hotel kisit thei ding cih kiza hi.
B. Lamka Khuapi ah Mizo dawr te kikhak theiding.
Lamka khuapi ah Mizo sumbuk honpi khat in ZRA ah siah piak nuam pha lo ahih man in Mizo sumbuk mihau pi te leh YMA te kimuh khopna a simtham in nei ding in thukiza hi. Koilai koimun ah banghun in kimuhna bawl khiasim ding cih thu diktak in gen khiatna om nailo cih simtham thukan te thei khia uh hi.
C. Pu Lian Hmung Sakhong in thusin na pia.
Democracy ‘ Federalism leh Mihing zalenna tawh kipawlin 6,7,8, Oct 2014 nithum sung NCCT Pu Lian Hmung Sakong in Matupi khua ah thu sinna pia hi. Tua mun ah khuanu khuapa leh Siamsin te , Biakna lam makai te leh Khang no gam leh nam akin auk te nisim 150val ta kihel uh a, tha ngah in lopsak tuam mahmah sak hi.
D. Rih Khuadar ah CNDP zum hong beh.
Chin National Democratic Party (CNDP) in Rih Khuadar khuapi ah zum honthak ding in gel na 7 Oct 2014 nei khin uh hi. Hih mun ah Presidnent Pu BawiLianVung၊ Vice ah Pu Ceua leh Pu LianVung၊ Thusapi Secretary Pu AungTun leh upa pi 16 kihel uh cihi. CNDP party ah CPP pan in pawltai honkhat zong kihel cih kiza hi. Chin state sung ah gam leh nam Zomi Congress for Democracy ZCD, Asho Chin National Party ACNP, Chin League for Democracy, CLDP,Chin National Democratic Party, CNDP,Chin Progressive Party CPP,Ethnic National Development Party, ENDP cih hih teng kihel uh hi. Kiteelna 2015 hun aom leh akidem ding party vive in kilam en tek uh hi.
E. Yangon kimvial Meileeng man’ apat pan atawp K 100/.
Hongtungding November 1 nipan kipan Yangon khuakim tai meileng tungtuan man in apat pan atawp zong Kyats 100/- ding hita ahi. Meileng khawlna 38 om hi.
F. Tedim khuapi lamzin nih nading kibawlpha .
Tusungteng Tedim khuapi lampi lian nih nading kipuah phasan laitak ahihi. Lampi pen khua mite in agen na ah mawtaw nih kipaih phelh thei ding in deih bang in lemtang nailo in neu lai mahmah ci uhhi. Lampi phung keek ding huan nei te in phal zo taktak lo cihi. Khuapi lian suak ding hi leh Mawtaw pai nading neulua ahih ban ah luinono om na mun te ah lampi kawite toi lua lai mahmah cih kiza hi.
Hau Thang
Comment piaknop aomleh...