Malaysia abeisa kumpi sungah nasem mi 17,000 te ki khawlsakding

Malaysia abeisa kumpi sungah nasem mi 17,000 te ki khawlsakding

Malaysia gamsung ah abeisa Najib Razak hunlai in kumpi sungah nasem mi 17,000 te nasep ki khawlsakding hi ci’n Prime Minister thak ahi Tun Dr Mahathir Mohamad in genkhia hi. Tua Najib’s Administration sungah nasem te sungpan Political Appointee mi 17,000 tepen kumpithak in akhawlsakding ahihi.

Tua aki khawlsakding te lakah Contract Staff in asem ahi Driver cihte leh adang Area tuamtuam ah asem te ki khawlsaklo dinga, ahi zongin amau te ii nasepzia Status te ki encian phakikding hi ci’n Dr. Mahathir in genkhia cih NST pan kiza hi.

Tua Political Appointee mi 17,000 te aki khawlsakna hangin kumpi sumzatna “Government Expenditure” kiamtuamding a, tuaban ah kumpi sum aki mawkzatna ” Government Wastage” cihte omnawnloding cihi.

Civil Servants te asukhadiam cih akidot ciangin, Dr. Mahathir in adawnkikna ah Senior Officer sungpanin nasep ginalo in asem, sepkhialh aneite pen tawmvei tawlngading in Leave kilasakding cihi.

Video: Datuk Seri Najib Tun Razak’s lawyer Datuk Harpal Singh Grewal gave a statement to the press on Thursday amid a police search at the former prime minister’s residence in Taman Duta. Harpal said Najib was upset with the way the search is being conducted.

Najib innsung ah Police Search kibawl

Abeisa in Prime Minister asem Najib ii innsung tengah Police Search sawtveipi kibawl hi. Zanni Wednesday nitaklam pekpanin Police Search bawl akipan hi a, Thursday ni in mansiangpan hi. Akigawm in nai 20 sungphial Najib innsung ah Police Search kibawl ahih manin Najib te innkuanzong tawlmahmah cihi.

Taman Duta Residence aom Najib innsung ah vangil koihna Safe khat kimukhia a, tua Safe ahonna Key pen aomna kitheilo cihi. Tuasungah bang thusim kikemhiam cih ki theiciannuam ahih manin, Police te’n Thursday zingsanglam 8:30am akipan tua Safe ahontheih nadingin Drill tawh honkhiatding kipan uhhi.

More: Malaysia gamsunga Operasi aomciang abuaimahmah RELA te naitha kikhansak

Najib ii lawyer Datuk Harpal Singh Grewal in agenkhiatna ah zannitak 10pm hunpawl in Commercial Crime Investigation Division (CCID) pan Police Officer bekbek 50 panin 60 kikal Najib’s Residene ah hong umcih uh a, Police Search kipan uh cihi.

Zannitak 10pm in Police Search akipat pen azingciang 5pm dongmah Najib innsung ah Police Officer te omlai ahih manin, akigawm in nai 20 dekphial Police Search akibawl hi a, Najib zong ihmuttheih omlo in, tawlmahmah hi ci’n Lawyer pa’n genkhia hi. Sawltak #zomidaily