Tulaai Leitung thuthang tuamtuam te May 17, 2018
Kawlgam Vice President Pu Henry Van Thio May 17,2018 ni Zogam vazin a Tedim,Tongzang,Chikha leh Khenman dong vapha in India-Kawlgam Zogam kantan kizopna vaai va en hi.ZBBC
US gam Machigan State University ah Thalaakna lam nasem Dr Larry Nassar in numei 300 vaal Anana asawkkhialhna hang in sawkkhialh athuak te MSU in $500 mllion piakding in May 16,2018 ni in thukim uhhi. Dr pa ahihleh thongsung tungkhin a Rapture ciangzong thongmah kialaai ding hi.BBC
Ongtungding May 19,2018 Saturday niciang Prince Harry leh Meghan te thupitak in bawlding uh hinah leh Monu Meghan i apa lungtang ki atding ahihman in Mopawi paitheiloding ci in Kumpi Nu Meghan in May 16,2018 ni in genkhia hi.BBC
Malaysia ah tutung guallehna angah NB te alangdo gige Anwar Ibrahim May 17,2018 ni in PM thak amah thongsung a akhum Dr Mahathir in lakhia hi. Anwar peen 1982 kumpan Dr Mahathir in laamto a Khangno pil,Sangnaupang Makai khat ahihman in Apu langpan citcit a Home Minister apan Golhguuk,Tawvanglu tawh thong denna hi. Tun Dr Mhathir in kum khitciang Anwar PM kasemsak ding ci hi. Anwar in Dr Mahathir mawhna kamaisak a kakikaal vuah thunawngkaai omnawnli kitelsiam ung ci in Media te tung ah genkhia hi.BBC
Guallel Malaysia PM lui Najib in Malaysia palik te May 17,2018 ni in buluh uh a bangteng kisem cih genkhialo uhhi.Najib peen gampua kipialsaklo phot a PM asepsung a ann neekna ki enkikphot hi.New Strait Times
Kachin gam Kawl Gaalkap te in nasiatak in do in Mipi tampitak aomna tawh kisai thukikupna leitung gam-20 pan Kachin minamte kikaaikhawm in May 19 nipan Ni-4 sung USA gam Washington DC ah bawlding uhhi.VOA
Chin State Sipen Vuanzi Pu Salai Issak Khen apanmun pan khawlding a ngetna kipia in kikhawlsak a mun kilaihding thumlakpan acianlaai nihte zong kilaihkhading ci in Chin State Hlutdaw Chairman Pu Zo Bawi in May 17,2018 ni in gen hi. RFA
South Korea leh US ten Max Thunder minvawh in gaaldo kisinkhopna nei uh a Gaalvanleeng 100 bang zang in Korea tuipi tung ah kipei ziahziah uhhi.Hithu lungkimlohna hang in South leh North kihona dinkhawl uha, US leh North Korea kimuhding zong cancle maithei cin North Korea ten gen uhhi.BBC
US gamkee Hawaii tuikulh tung a om Kilauea meimual May 17,2018 ni in puakkhak a vanlam ah pi-30,000 vanlam ah kikhawhto hi.Mipi te kihemkhia man ahihman in asi omlo hi. Hawaii tuikulhtung ah apuakkhakding meimual-5 aomlak ah khat hipan cin Leisungsiam US mipil ten gen uhhi.BBC
US gam amasapeen Numei CIA Director ding in Gina Haspel’s May 17,2018 ni in atamzaw thukimna tawh US Senate te in kipsakta uhhi.BBC Leitung Thuthang tuamtuam
Comment piaknop aomleh...