USA, California gamsung meikang hangin asi mi 40 phatota

USA, California gamsung meikang hangin asi mi 40 phatota

USA, California gamsung Wildfire meikatna hangin asi bekbek mi 40 phatota cih Sunday ni in AFP te’n genkhia uhhi. Ahi zongin meikuang pen phadawm zawdeuhta a, akiphelhzolam hizawta hi.

Hih gamsung meikatna hangin innlelo nusia in ataikhia tezong damdam in aomna innlam uh zuanin ciahkikta uhhi.

US gamsung aom State tuamtuam panin ahaupen “wealthiest US state” State khat ahi California State sungah Summer beikuan ciangin gamsung meikang “wildfire” thuakthei zelzel uhhi.

Ahi zongin tukhasung Wildfire pen huaisia phadiak a, 217,500 acres sungbang mei kangtumgawp hi. Lenggahzu akibawlna Winemaking Area ahi Napa, Sonoma sungteng ah natkat mahmah a, California State ii ahuaisiapen Deadliest inzong akiciamteh ahihi.

California Department of Forestry and Fire Protection (Cal Fire) in Sunday ni in agenkhiatna ah hih gamsung meikatna hangin misi pen 40 hong phato tamawk ahih manin, dahhuai mahmah hi ci’n genkhia hi. Abeisa in misi pen 38 hi a, tuapan in aki behlapto ahihi.

Video: Death toll rises in Californian wildfires

Cal Fire te genna ah asi lakah mi 22 tepen Napa County leh Sonoma County sungpan in asi cihi.

Tuaban ah gamsung meikuang ahuaisia phadiak Major Fire pen 16 panin 15 ah kiamsukta cihi.

Related: Portugal gamsung ah meikanggawp in mi 2000 bang awkcip

Gamsung meikat akipat ciangin huaisialua mahmah ahih manin, khuasung mipi te akigawm in 100,000 bang amanlang in ki hemkhiasak hi. Tualak ah pawlkhat pen aomna innlam ki zuansakkik a, ahi zongin Sunday zingsanglam in mi 75,000 bang aki hemkhia in omlai uh cihi. Sawltak #zomidaily