Malaysia khuasung mawtaw Accident, mi 4 si, 1 liamgawp

Malaysia khuasung mawtaw Accident, mi 4 si, 1 liamgawp

Malaysia, Kuala Lumpur khuasung ah zanni Tuesday (20 November) ni in mawtaw accident nasia mahmahkhat piang cih theSun pan kiza hi. Damansara Toll Plaza gei New Klang Valley Expressway (NKVE) kici lamzikpi tungah Tonne 10 Lorry golpi te khatleh MPV mawtaw tekhat kiphukha ahih manin, mi 4 in sihlawh a, adang khatzong limliam mahmah hi.

Petaling Jaya Police Chief khat ii genna ah asipen mi 4 hi a, asi tepen Kun Ell Yin (kum 32) Kum Hok Wan (kum 36), Hong Ching Guan (kum 49) leh kum 52 aphakhin MPV mawtaw hawlpa ahihi.

Adang alimliam mahmah khatpen numei kum 41 aphakhin khat ahi Ho Lai Lai kici khat ahihi.

Selangor Fire and Rescue Department te genkhiatna ah hih Accidkent pen zingsang 1:50am hunpawl in apiang cihi. Lorry golpipen in amai ah mawtaw pei kitamkhat om ahih manin, lamlang ah ahawlpheileh MPV mawtaw pen phukha cihi.

MPV mawtaw tungah mi 5 atuang hi a, 4 sipah in asilopen zong limliam mahmah hi. Lorry hawlpa ahihleh mangcip a, ataisim hiding in ki ummawh hi.

More: France te’n tunglam panin Al-Qaeda tawh kipawlte makai that ung ci

Misiluang tepen Universiti Malaya Medical Centre ah kipuak a, aliamnu pen Sungai Buloh Hospital ah zatui kibawlding in kipuak cih kiza hi. ZD Sawltak #zomidaily