Malaysia Immigration te makaihna tawh khasim in Operasi 1300 vei bawldending

Malaysia Immigration te makaihna tawh khasim in Operasi 1300 vei bawldending

Malaysia gamsung ah phalna kician neilo nasem in aciapteh uh “illegal immigrants” te leh nasep aguan Boss (Employer) te nakpitak in siansuahsawm uhhi. Tuabang in Malaysia gamsung asiansuahtheih nadingin Immigration Department te’n khasim in Operasi 1300 vei bawldending in khentat uh cih NST pan kiza hi.

Immigration vaitawh kisai in athuneipen Immigration director general Datuk Seri Mustafar Ali in agenkhiatna ah 1300 vei cihpen Immigration Department ii Target thak (Key Performance Index) hiding hi ci’n genkhia hi.

Abeisa in khakhat in Operasi 850 veibang kibawlzel a, tuasangin khantozaw in, aki sepsawm ahihi ci’n genbeh hi.

E-card akici Enforcement Card bawlhun abeisa nung July kha akipan Immigration Department te’n “E-Card Ops Mega” cih minvawh in Operasi ahunhun in lutngekngek uhhi. Tuahun akipan nasepna ah Work Permit leh Passport kician aneilo gamdangmi “illegal immigrants” bekbek akigawm in 19,000 val mankhia uhhi. Nasem te bekthamlo, nasep aguan ahi Boss (Employer) zong akigawm in 427 bangin mat thuaklawh uhhi.

E-card abawllo “illegal workers & employers” te ngimna tawh nungkhasung inzong 1327 veibang Operasi kibawl kawikawi hi. Tuasung panin akiman atamzaw pen Construction Site leh Service Sector pan vive hizaw hi. Illegal Workers tepen E-card bawlhunding ahun akicingtak in kipia himahleh kuamah in thusimlo in, bawllo uhhi. Tuaban ah 3-plus-1 Program zong ki honsak a, ahi zongin pawlkhat te’n thudon tuanlo uhhi. Tua ahih manin ki dopbawl nawnloding hi ci’n Sarawak Immigration Department inzong genkhia hi.

Related: Malaysia gamsung ah gamdangmi nasem limlim akigawm in mi 1,781,598 pha

E-card pen adiakdiak in gam 15 panin kilimbawl phadiak a, tuate pen Bangladesh, Philippines, India, Indonesia, Kazakhstan, Cambodia, Laos, Myanmar, Nepal, Pakistan, Sri Lanka, Thailand, Turkmenistan, Uzbekistan, Vietnam cihtengpan ahihi. Sawltak #zomidaily

Mikhatbek ii sepding cih hilo a, Malaysia gambup aom Immigration Department tengin asemding in “Immigration director general Datuk Seri Mustafar Ali” in agenkhiat ahihi. Malaysia Immigration Department bupah nasem mi bangzah omding cihtawh ngaihsunkhawm in, Malaysia gambup bangzah zai cihtawh tuatto leng, lai akigelh pen aki khialmaw, khiallo cih ki ngaihsunthei pahding in lamen hang.