Vuihtheih khamtheih zatna

Vuihtheih khamtheih zatna

•Vuihtheih khamtheih zatna in,pilvang taka khentel theihna, phawktheihnate siasak ahih manin, Pasian’ mite(a diakdiak in piangthakte) zat dingin kikhaam hi.

•Vuihtheih khamtheih zatna in, i pumpi cidamna susia bek tham loin, i kha cidamna zong susia hi.

•Vuihtheih khamtheih zatna in, Kha Siangtho’ tungtawn a, i ngah ding kha thupha tampitakte hong taansak hi.

•Vuihtheih khamtheih zatna in, supna leh buaina piangsak hi.

•Vuihtheih khamtheih zatna in, ki khenna leh dipkuat patauhna piangsak hi.

•Vuihtheih khamtheih zatna in, a siangtho nuntakna susia-in, niinsak hi.

•Vuihtheih khamtheih zatna in, i neihsate beisak a, i neihsate hong behlapsak ngei lo hi.

•Vuihtheih khamtheih zatna in, khialhna tuamtuam hong kipat khiatna bulpi hi gige hi.

•Vuihtheih khamtheih zatna in, i pilna kiamsak a, i haina khangsak hi.

•Vuihtheih khamtheih zatna in, mite’n thupi hong sakna teng bei sak a, mite’ neu muhna hong piangsak hi.

•Vuihtheih khamtheih zatna in, thumaan thutak leh diknate panin hong kaai khia hi.

•Vuihtheih khamtheih zatna in, Gam leh minam, khua leh tui, pawlpi leh innkuan sung hong susia/buaisak hi.

• Vuihtheih khamtheih zatna in, Pasian tawh hong ki gamlasak a, Satan tawh hong kinaisak semsem hi.

*Vuihtheih khamtheih i zat manin, i lungsim khauhsak loin, a gente zong i mudah se kei dinga, zat loh a hoih zawkna thei-in, kideek zawh nading i hanciam zaw ding hi.

Ngaihsun thei taktak le’ng, vuihtheih khamtheih zat loh pen, eima hoih nading leh eima phattuam nading hi zaw hi.

Deihsakna lianpi tawh, Khazih sungah,

David Tuang