Malaysia, Kajang vengsung ah thau kikapna piang, mi 2 liam

Malaysia, Kajang vengsung ah thau kikapna piang, mi 2 liam

Malaysia, Kajang vengsung aom Bus Stop khatah thau kikapna piang ahih manin mi 2 liam cih theStar pan kiza hi. Kajang Bandar Teknologi aom Supermaket khat ii apualam Bus Stop ah Sunday nitaklam in buaina apiang ahihi.

Palik ulian ahi Kajang OCPD Asst Comm Ahmad Dzaffir Yusoff in agenkhiatna ah Sunday nitaklam 10:07pm hunpawl in hih buaina vaitawh kisai in hongki zasak cihi.

Thau kikapna buaina apian taktak hunpen 9:30pm hunpawl hiding kici a, sumkhek nasep Money-changer asem nupi khatin ama nasemte nasepciahlam aomna ah akhak laitak in buaina apiang hi ci’n Police te’n genkhia hi.

Hih thau kikapna hangin Money-changer asemnu leh anasem khat thautawh ki kapliam hi. Money-changer asemnu pen kum 61 aphakhin khat hi a, anasem pen kum 33 aphakhin Pakistan gammi khat ahihi.

Bus Stop ah Boss nu in mawtaw khawlsak in, nasempa akumsuk lianleh thautawh ki galkappah hi.

Police te upmawhna ah thautawh agalkap pen mikhatsangin atamzaw hiding ci uh a, amai uhpen Mask tawh tuamcip in, Proton Waja mawtaw asan khattawh taivingveng uh cihi.

Thautawh kap athuak Boss leh nasem tepen amai ah kikapkha ahih manin, Kajang Hospital ah akibawlding in kipuakpah hi.

Hih thau kikapna pen damiah “Robbery” vaihang hiding in ki ummawh ci’n Police te’n genkhia a, ahi zongin hoihtak kancian laiding uh cihi.

Related: Malaysia, Penang ah numeikhat mawtaw ahawl laitak thautawh kikaplum

Bus Stop ah Police te’n thautang “Bullet” pawlkhat mu uh a, “Section 3 of the Firearms Act 1971 (Increased Penalties)” tawh Case kibawl in, thautawi te aki kansan laitak cih kiza hi. Malaysia gamsung ahzong thau nopzat mahmah uhhi. Sawltak #zomidaily