Malaysia, Ipoh ah puteek khat tutna kawmkal ah avan awksakkha
Malaysia gamsung Ipoh ah puteek khat tutna “Plastic Chair” tungah atut laitak avang kawmkal ah avan awksak ahih manin cimawh mahmah cih NST pan kiza hi.
Ipoh, Sungai Siput, Kampung Baru Simpang Jalong ah zanni nitaklam in thupiang hi a, puteek pen kum 80 aphakhin khat cihi.
Sungai Siput Fire and Rescue Department spokesman khat ii genkhiatna ah nitaklam 6:43pm hunpawl in cimawh huhngetna “Distress Call” hongkisam in, hih buaina Incident vai hongki zasak cihi.
Plastic tutna anuai avengsung ah avan awksakkha ahih manin, tangthei nawnlo hi. Firefighters te’n Special Equipment zangin Plastic Chair pen teptan uh a, puteekpa honkhiathei uh cihi.
Puteekpa asuahtak khitphet in Emergency Medical Response Service (EMRS) te’n Check-up bawlsakpah uh a, bangmah ahuaisialua in liamna omlo cihi.
Related: Ipoh ah mawtaw pailai singkung in dengkha in nupi khat si, adang mi 2 liam
Bangci bangin tua tutna kawmah awksak khahiam cihpen ki theicianlo hi. Pasal te natut uhciang kidawm mahmah vou maw…. 🙂 ZD Sawltak #zomidaily
Comment piaknop aomleh...