Malaysia gamsung Security Risk aomsakden pen Terrorism te hi ci’n Defence Minister in genkhia

Malaysia gamsung Security Risk aomsakden pen Terrorism te hi ci’n Defence Minister in genkhia

Malaysia gamsung alauthawngsak, Security Risk aomsakden pipen migilo te gitloh ngongtatna “Terrorism” hi ci’n Defence Minister in genkhia hi. Malaysia gamsung ah tulaitak Defence Minister asempen Mohamad Sabu hi a, Channel NewsAsia tetawh Interview akibawl laitak in agenkhiat ahihi.

Terrorism ki lauthawngsakna pen abeisiangtheih nadingin Southeast Asia gamsung aom gamkhempeuh ki pawlkhawm in ihsepding kisam hi. ASEAN gamsung paninzong Terrorist migilo tampi omhi. Gentehna in Bali Bomb asukham migilo tepen ASEAN gamsungpan mahhi ci’n genkhia hi.

Tua ahih manin gamkhat leh gamkhat ih sepkhopding, ma ihpankhopding kisam hi. Philippines, Indonesia, Singapore, Malaysia, Thailand cih gamte ki pawlkhawm, mapangkhawm in theihhuai Information te ki hawmsawn kawikawi in ihpankhopding kisam hi.

Abeisa kumpi asem ahi Barisan Nasional Government hunsung inzong Terrorist tetawh akizom migilo tampitak kimankhia hi. 2016 kumsung inzong Malaysia, Puchong vengsung aom Movida Nightclub ah Grenade Bomb khat ki sukham in, tuaban ah agitloh angongtatsawm migilo tampitak ki mankhia hi.

More: Singapore MRT meileng khawlna ah numeikhat aguaktang in aomlaitak Photo ki thehzak

Akhengvallua in gamtatna Extremism te aomloh nadingin biakna leh khuasung pilna sinsakna te ah kihilhding thupiding hi ci’n Defence Minister in genkhia hi. Azenzen in Malaysia gamsung hong nawngkai saksawm aomleh Army, Police, Security Force te atawntung in akigingsa in omden uhhi ci’nzong genkhiatbeh hi. Sawltak #zomidaily