Malaysia gamsung ah palik khatin azudawnpih alawmte khat thautawh kap

Malaysia gamsung ah palik khatin azudawnpih alawmte khat thautawh kap

Malaysia gamsung ah palik tezong zudawndawn mah na om veve hihtuak hi. Zanni zingsang 2am hunpawl in Setapak, Sri Rampai vengsung ah Restaurant khatah palik khatin alawmte tawh zu dawnkhawm uh cihi.

Zu akhamkhit uhciangin alawmte tawh kam kinial in, kitawng uhhi. Alawmte pen mi 2 hi uh a, akitot uhciangin palik pa’nzong athau manpah in, alawm khatpa pen thautawh kappah ziahziah ci theSun pan kiza hi.

City police chief Comm Datuk Amar Singh in agenkhiatna ah hih palik alawmte thautawh akappa pen kum 30 gualpawl hi a, Corporal khat ahihi. Bukit Aman Criminal Investigation Department (CID) ah asep laitak hi a, alawmte khatpa thautawh 5 veitak akap lakah khatvei ataw kapkha hi ci’n genkhia hi.

Hih thautawh kikap buaina apian ciangin thunei te’n delhpah in, athau amatsak khitciangin palik pazong mansuakpah uhhi. Alawm tezong kiman uh a, avek un thusitna kineiding cih kiza hi.

More: Malaysia, Sarawak ah palik khatin alawmnu lupna tungah Pistol tawh kaplum

Kuala Lumpur CID chief SAC Rusdi Mohd Isa in agenkhiatna ah hih buaina pen “Section 307 of the Penal Code” tawh kizui in ki thahlupsawmna cih Case tawh thu kibawlding hi ci’n genkhia hi.

Malaysia Police tezong khatveivei ummm….. aban gennawn dahni 🙂 Sawltak #zomidaily