India, Imphal ah akiman sanggam Tuimui te vai Update

India, Imphal ah akiman sanggam Tuimui te vai Update

Nung Kha sung a thupiang maban vai: ZYA Saklam le Khanglam makaite ahun zui in Tuimui sanggamte thu omzia kizasak thei zel hi ung. Amau pen case 3 bangtawh awksak uh ahih manin vai pen lian mahmah a, Lawyers (Sitni) hoih mahmah khat kawmin a vaite amanlang theithei in alem zawh nading ahanciam mahmah laitak uh hi.

ZYA Saklam (India) in ahoih penpen ding a vaihawmna ah Zomi Human Rights Foundation (ZHRF) India in zong nana panpih to lai ahih manin vaipen tampi lembeh zaw lai hi.

Nidang bangnawnlo in Saklam zinnuam Sangkah ding, nasep zong ding, zato kilakding le sumthalawh ding cih kikuan den ahih sawnsawn tawh kikham thei lah hitak lo ahih manin athu omzia te hoihtak kan masak ding kizasak nuam phapha hi hang.

Buaina nei kei le uh kuamah kiphawk khalo napi in, matlehen athuak tak uh teh ZYA tung tuzel ahih manin khualzin, gamvakna ah kidop huai ziate le thu om thei ziate hoihtak kan masak ding kideihsak mahmah hi hang.

I sanggamte vai amanlang theithei a hong suahtak theih nading un, Thungetna tawh panpih ciatni ei.

Kam Suan Mung
May 4, 2018

Imphal Tulihal International Airport ah

Tuni April 14, 2018 nitak 3:00pm in Imphal Tulihal International Airport ah sangam Tuimui Khuami (Kawlgam) pan Khawl Nuam, Lun Cing, Thang Sian Kham te Bangalore a nasem dinga paisawm Airport Security te’n man uhi.

Identity card dinga Driving licence a zat pen a sit hilo/fake ahih banah Burma mi kahi uh a kicih manin kiman uhi. ZYA India in a kizak apat pan kila in i mi i sa ulian thuneite tawh pangin tatkhiat teitei ding vai kigel a, pan kilak laitak hi, maban bing mah mah hi.

More: Tuimui khua ah akithat Pa Gin Sian Siam luanghawm Sawbua ah kivuita

ZYA India seplebawl zia ding Topa’n hong kithuahpih nading in Thungetna ah phawkni.

ZYA India pan zaksakna hong khah sawn ing.
ZYA Myanmar HQ (April 14, 2018)