Update: Malaysia, Sarawak State sungah palik khatin alawmnu lupna tungah Pistol tawh kaplum cihpen thupiang taktak hi ci’n thunei te’n genkhia uhhi. (Lupna tungah puannuaithau ahilo, Pistol taktak tawh akap hihtuak hi) A kaplum palikpa zong palik mawkmawk hilo in, Police Inspector khat ahihi.
Tua Police Inspector papen kimanpah a, ni 7 sung Remand tawh kikem photding a, thudot thusitna kineiding cih kiza hi.
Video etnopleh: Seven days remand for killer cop
Malaysia palik khatin naupaailai alawmnu thautawh kaplum
Malaysia, Sarawak State sungah zanni Sunday nitaklam in palik khatin alawmngaih “Girlfriend” thautawh kaplum cih theStar pan kiza hi. Tua akaplup alawmnu pen naupaai laitak cisawnsawn hi.
Kaplup athuak numeinu ii avengte’n Laurence Michael kici khatpa in agenkhiatna ah ka ihmut laitak in thauging khat za kahih manin ka khanglo cihi. Tuapan in 3:32pm hunin Police Report kibawlpah hi.
Police Report akibawlna ah kaplup athuaknu ii anu pen avengte Laurence Michael kiangah taiphei in, katanu kikaplum ci’n zasak hi. Laurence Michael zong paiphei in a etciangin sualtung ah atanu pen tangnawnlo hi.
Serian police chief deputy superintendent Aswandy Anis in agenna ah hih thupiangpen atakpimah hi a, kaplup athuak numeinu zong agilsung ah naupaai in khanih phakhin cihi. Akaplumpa penzong Police Inspector khat cihi.
Akaplum palikpa pen alawmnu inndei sungah lutphei in akaplup hiding cihi. Akaplup khitciangin palik mawtaw tawh taikhia in kihemkhiasuak hi. Ahi zongin nitak 9:35pm hun ciangin Emart Supermarket maiah akaplum palikpa kimanthei cihi.
Related: Gamdangmi khatin Malaysian numei khat Damiah taihsawm in liamsak
Police Report aki genkhiatna ah tuapapen akimatding zong niallo in kimansak pahlel cihi. A palik vanzat Pistol thau leh thautang tezong ki matsak cihi. Hih palikpa pen azi tawh kikhen in hih akaplup numei tawh akingai hiding kici a, akaplupna ahang taktakpen kithei nailo cihi.
Tusungteng Malaysian Police te thuginalo thuthang hongki nawhzak simpian hi 🙂
Tukha kipatlam in “Ops Kabaddi” ci thulu tawh Malaysia gamsung aom palik te sitcianna akineih ciangin golhgukne tampi mukhia uhhi. Khakhatzong cingnailo in Police Officer mi 21 kimankhin hi ci’n Saturday ni in Deputy inspector-general of police Noor Rashid Ibrahim in genkhia hi. ZD Sawltak #zomidaily
Comment piaknop aomleh...