USA, Kentucky ah Chin State pan Kawlgam mikhat thautawh kikaplum

USA, Kentucky ah Chin State pan Kawlgam mikhat thautawh kikaplum

USA, Kentucky State sung aom Kawlgammi khat nasepna pan innlam zuanin mawtaw tawh aciah laitak thautawh kikap cih Vanceuuk Khenglawt FB pan zanni Wednesday ni in kiza hi. Tua Kawlgammi papen amin Pu Lian Cung Nung (Cung Kawng) kici a, Myanmar, Chin State panin US alal khat ahihi.

Rev. Hai Vung Lian in CBCUSA Group Member te tungah azaksakna ah Lian Cung Nung pen alu abiltung ah thautawh kikap in alanglamdong pailet dektak cihi.

Ahi zongin thautawh akap pen kua cih kitheilo, koipan kikap cihzong ki theicianlo cihi. Amah ngimngiat in akikap mahhiam, aki kapkhial khahiam cihzong ki theician nailo hi.

Lian Cung Nung pen apa Pu Hrang Hu hi in, Chin State, Sihcang khua pan kici a, anupen Pi Tha Iang (Thau khua) pan ahihi.

Lian Cung Nung in zi neikhin in, ta zong 3 neikhin uh a, a innkuan un USA, Kentucky ah ateeng uh ahihi. Aki kapkhak laitak in amahpen mawtaw ahawllaitak hi a, azi zong mawtawsung agei ah atu cihi.

Aki kapkhak khitciang in mawtaw zong ki lumlet in, azi bel bangmah liamgawpna omlo cihi.

Amah pen Calvary Chin Baptist Church ah akizang mahmahkhat kici hi.

Tuni Thursday ni in Salai Lungthlitum pan aki zakbehna ah Lian Cung nung pen zato ah siavuan te’n ahoihtheipen in bawl uh himahleh anuntakna honkhia zolo in, sita cih kiza hi.

Related: USA Indianapolis ah Kawlgam Chin nupi khatin ata 36 vei sat

Nungdiak April khasung inzong USA, Iowa State sungah Tonzang khuami, Naulak beh Pa Stephen Pau Suan Kim thautawh hongki kaplup sakmawk hi. Pa Stephen Pau Suan Kim aki kaplup laitak inzong atate 3 tak agei ah aom uh hi a, Zomi te bekthamlo, gamdangmi te nangawn in hong khasiatpih mahmah uh a, Local News tuamtuam ahzong ki limsuahsak mahmah hi. Pa Lian Cung Nung leh Pa Stephen Pau Suan Kim tepen ta 3 tuak aneikhin uh hi a, azi atate mailam nuntak khuasakzia ding lungkhamhuai mahmah hi. Sawltak #zomidaily