Malaysia gamsung ah gamdangmi nasem limlim akigawm in mi 1,781,598 pha

Malaysia gamsung ah gamdangmi nasem limlim akigawm in mi 1,781,598 pha

Malaysia gamsung ah gamdangmi nasem limlim akigawm in mi 1,781,598 pha cih Malaysia Home Ministry te’n pulakkhia uhhi. Teresa Kok (DAP-Seputeh) in Home Ministry te tungah adotna tungtawn in gamdangmi nasem bangzah om, koi gampan tampen cih hi a, tua tungtawn in Malaysia Home Ministry te’n apulakkhiat uh cih NST pan kiza hi.

Tua gamdangmi “Foreign workers” sazian pen tukum 2017 June 30 niciang sazian hi a, akigawm in gamdangmi bekbek 1.7 million Malaysia gamsung ah nasem in aom uh himawk hi.

Gamdangmi nasem atammahmah hangin Work Permit kician tawh Official takin nasempen omkhollo a, guksep illegal foreign workers pen tammahmah hi. Tuahangin “Rehiring Programme” cihkhat Project hongki pankhia uh a, 15 February 2017 pan kipan E-card hong pulakkhia uhhi.

E-card akici Enforcement Card pen Malaysia kumpi in February 15 ni in hong patkhiat uh ahihi. Malaysia gamsung ah Work Permit kician neilo in gamdangmi nasem tamlua ahih manin, tuateng tawmveisung “temporary” naseptheih nadingin avaihawmsak ahihi.

Tulaitak Malaysia gamsung ah gamdangmi nasem lakah Indonesia gammi mah tampen hi. Gamdangmi nasem pen agamzui in aki et ciangin Indonesia gammi 728,870 workers, Nepal gammi 405,898 workers, Bangladesh gammi 221,089 workers, Myanmar gammi 127, 705 workers, India gammi 114, 455 workers cihbang atam phadiak gamteng ki muthei hi.

Tuazom ah Pakistan gammi 59,281 workers, Philippines gammi 56,153 workers, Vietnam gammi 29,039 workers, China gammi 15,399 workers cihbang phalai uhhi.

Thailand gammi 12,603 workers, Sri Lanka gammi 5,964 workers, Cambodia gammi 5,103 workers, Laos gammi 39 workers cihbang ahihi.

Related: Malaysia gamsung ah July 26 ni ciangciang Operasi pan akiman mi 5065 phakhinta

Malaysia gambup ah gamdangmi nasem in akigawm mi 1,781,598 aphak lakah Work Permit neilo, illegal foreign workers ci’n amankhiat uhzong mi 5065 bang phakhinta cih kiza hi. Tusungteng Malaysia kumpi in agamsung aom gamdangmi nasem sazian leh UNHCR Card atawi minsazian tetawh hong buaimahmah uhhi. Sawltak #zomidaily