Malaysia gamsung Election hunciang buaina aomleh sepziading kisin kholhna nei

Malaysia gamsung Election hunciang buaina aomleh sepziading kisin kholhna nei

Malaysia gamsung ah gamuk makai kiteelpi pen maikum 2018 August khasung hita hi. Tua “14th Malaysian general election (GE14)” hunsung ah gamsung buaina omkhathei, lungphona omkhathei cih thunei te’n mukhol uh ahih manin, kiginsan mahmah uhhi.

Palik thunei khat ahi Sentul OCPD Asst Comm R. Munusamy in agenna ah zanni Thursday (Dec 14) ni in Kuala Lumpur khuasung aom sanginn mun 2 ah buaina apianleh bangci vaihawmding cih “Live Drill” kisinna kinei hi ci’n genkhia hi.

Vote kipiakna panin mipi buaina aomleh Police te’n ahunlap in bangci bangin vaihawmding cih aki sinkholkhol uh ahihi.

Amasa Drill abawl uhpen “Sekolah Kebangsaan La Salle” kici sanginn ah abawl uh hi a, Social Media tungtawn in Party khatpan Vote piate buaisakna aomleh bangci sepding cih kisinkholhna ahihi.

Party khatpanin Supporters te’n lungkimlo in, palik mawtawpi “Police Truck” te khawlsak in, Vote gukpiaksawm te akhawlsaksawm cihbangdan ahihi. Tua Party khatpan Supporter mi 30 bangtepen Police tetawh kitawng uh a, mi tampi liamin, pawlkhat kiman a, Police Headquarters kipuak cihbangdan akisin uh ahihi.

Video: Cops conduct live drills ahead of polls

Anihna Drill abawl uhpen SMK Methodist Kuala Lumpur mai ah sunkimlam pawlin akisin uh ahihi. Hih kisinna Scenario sungah Party khatpan in Supporter mi 200 bangin Vote piading in Bus tawh apaite anawngkaisak laitak ahihi. Tuate pen gamveng “neighbouring countries” panin Vote aguk piaksimding in hongpai uhhi ci’n aki tawngsak ahihi.

Tua Supporter mi 200 te’n Bus Driver leh Passengers tepen ID “Identification Documents” laktheilo ahih manin, anawngkaisak cihbangdan aomleh ci’n kisinna ahihi.

More: 2017 UK General Election ah Vote kipia ziahziah ta ~ Nantalsuan

Malaysia, Penang State sung ahzong “14th General Election” hunciang buaina aomleh sepziading kisinkholhna “Live Drill” kinei cih kiza hi. Hih Live Drill kisinna te ah Police Department leh adang Department tuamtuam panin Officers tampi kihel in, limtak in akisin ngekngek uh ahihi. Malaysia gamsung kiteelpiding General Election hongnai semsemleh Security zong hongkhauh semsemding a, gamdangmi tezong buaina, kimat kihen cihte hongtamzel khatheiding hi. Sawltak #zomidaily