Niguk ni (The sixth day)

Niguk ni (The sixth day)

“Sangnaupang teng avek un khan sungah lut khin uh hi. Tua laitak in kei leh siapa bek sang huang sunga paakhuan sung tutphah tung khatah ka tu lai uhhi. Nitum ding in hone ki thawi ta hi.

“Messiah in hih leitung ah ahun nunung zat ani pen na thei kha hia, siapa acih kawm leh bangni a leh a ki patni?” ci in a behlap hi.”Nipi zawh ninga ni/Friday, zingsang” ci in ka dawng hi. “Hilo e, mangngilh ta nahia, Hebrew ten ni kipat dan?”

“Hebrew te ni ki sim dan pen a zan( the night before), nitum pan kipan den hi ven maw.”

“Tua ahih leh ama ni nunung ni pen cik ni cik hun in kipan ahia?”

“Nitum, nipi zawh ni li(Thursday) zan a ki pan, nungzuite tawh nitak an kuang um khop atawpna pen( the Last supper) Paisan pawi( the Passover). Ttua ni pen ni tawpni akipan ta….na khempeuh pen gimthuak haksatna leh sihna lam ah ki heita. Paisan pawi leh tuno pen nitum pan in kisim.Tua mun pan in amah Gethsemane huan ah va pai a, tua pan siampi te kiangah ki paipih dingin, mat leh hen hong thuak hi.thusitna thuak in sih dan piak dingin thukhenna pia uh.

Azingsang ciangin, Pontius Pilate mangpa kiangah puak uh. Amah sat gawp uh a,zahpih gawp, pangbet gawp uh in, singlamteh tungah khetlup dingin, Jerusalem lampi tungah pai kawm in bawlsiatna thuak hi.Nai tampi sung gim in tau in aom a, ‘Ka zozo hi’ a cih khit ciangin ahu abei hi. Aluang la uh a,han ah avui uh hi. Tua ni in Jerusalem ah ni a tum ta hi a, ni khat abei ding ahihi. Hih thu khem peuh pen nitum in hong ki pan in, nitum in a ki zo hi.

Tun, mihing te NI pen bang ahia? Ci in hong dong leuleu. “Mihing aki piansak ni maw?” “Ni guk ni” Nigukni pen bangni tawh ki tuak?” Friday” “Tua ahih leh bang ni pen ni gukni ki pat ni ahia? ‘ Thursday/ nipi zawh nili.”

“Thursday/ nipi zawh nili nitak nitum a ki pan nipi zawh ni nga ni/Friday nitum pen ni guk ni hi.’

“Tua ahihman in, nitum pan ki pan in, nitum mah tawh tawp hi. Tua ni guk ni in asep ding teng a vek in azo hi. Tua niguk ni pen MIHING NI ki ci hi. Amah in mihing te mawhna leh kisuanna, mawhna sungah kiatna hangin a si hi a, mihingte in tatkhiatna angah nading un, mihingte ni mah in a zo hi. Tua niguk ni mah in mihingte nuntakna ngah uh hi. Messiah sung ah, mihingte in nuntakna ngah in nuntakna mu uh hi. Tua ni in NIGUK NI ahihi.”

The Mission: mihing ta ding nuntakna pem niguk ni(mihing te ni) mah in hong pia hi. Na nuntak nading Messiah I NIGUK NI sungah husanna thak, piansak na thak, nunna thak te sang a in.

Genesis 1:26-31; Mark 15:42-43; Ephesians 1:7
Johnathan Cahn day 47

Dim Lun Zam