Asia gamsungah Pagoda asangpen in akiciamteh khat meikangtum

Asia gamsungah Pagoda asangpen in akiciamteh khat meikangtum

Asia gamsung ah Buddhist biakna te ii biakinn asangpenpen in akiciamteh “Buddhist Temple” khat nung Sunday ni in meikangtum mawk hi. Hih Buddhist biakinn pen “Asia’s tallest Pagoda” ci’n aki ciamteh hi a, singvive tawh akilam “Wooden Pagoda” khatzong ahihi.

Tua meikatna Lingguan Mansion Complex pen pen China, Sichuan Province, Mianzhu khuasung ah aom hi a, Sunday 12:40pm hunpawl in meikuang akipan hi ci’n Local Government te’n Statement akhahkhiatna ah pulakkhia uhhi.

Hih Pagoda pen Asia gamsung ah asangpenpen in akiciamteh ahih mahbangin dawl 16 Storey tak apha hi a, tuateng avekin mei in kangtum in vutlevai suakziaumawk hi. Firefigter honkhat inzong meiphelhding in kithawi uh a, ahi zongin nai 4 sungbang meiphelh in buaipih mahmah uh a, akangding teng kangtumkhin veve hi.

Hih meikatna hangin mihing asi aliam kuamah omlo cisam a, ahi zongin Building Structure khempeuh avekpi in ki siacip cihi.

Storey 16 apha Pagoda asangpi bekthamlo, agei aom dawl 2 apha thungetna in akizang “Prayer Hall” khatzong mei kangtum hi.

More: Asia’s tallest, centuries-old wooden pagoda burns to ground

Hih Pagoda pen abeisa Ming Dynasty (1368–1644) hunlaipek in akilam kici a, kumzatampi tak a upakhin “centuries-old” ci’n aki ciamtehkhat ahihi. Abeisa 2008 kumsung Sichuan Province sungah zinlinggawp in, Magnitude 8 hatna taktawh linggawp ahih manin hih Pagoda zong asiacip ahihi.

Tua asiacip te akipuahsan laitak, Underconstruction laitak hi a, tuapen nung Sunday ni in meikang sawnsawn ahih manin, tu’n abeisial kilkelta ahihi. Meikuang akiphelh khitciangin akhuam pawlkhat vommengmangsa bekin cianlai cimawk hi.

More: Shwedagon Pagoda ah gamdangmi te alutman Ks10,000 ah kikhantoding

Hih meikatna ahangpen akitheician in kitheilo hi ci’n Government te’n agenkhiat uh hi a, tudongmah bangmah genbehna kizakik nailo hi. (Note: abeisa Sunday ni thupiang hi, Breaking News cihbang hilo hi. Atheikhin, azakhin, amukhin, asimkhin zong tampi omthamding hi. Tuate adingin hongki suaksak hilo hi 🙂 Sawltak #zomidaily