Lasiam Mungpi GZI Lungdam pihna
Lasiam Mungpi GZI Lungdam pihnaAmasa pen Global Zomi Idol 2015 kum July 2-4 sung Lasiam Zomi Idol ngahsa a gamgam panin USA ah ki demna dingte lak ah Visa hangin a ki hel theilo pawl khat om himah leh a ki helthei vekpi mi 7 pha uh aa, tua te in ;
1. Sanpi ( Kawlgam pan)|
2. Zambawi ( Kawlgam pan)
3. Esther Sian ( Australia pan)
4. Paalnu ( USA pan )
5. NLMungpi ( USA pan )
6. Khupbawi ( USA pan )
7. Mungpi ( Singapore pan)
Global Zomi Idol 2015 Judge mi 3 pha uh aa, tua te in;
1. Sia David Suum
2. Sia Kap Mang
3. Sia Tua Mung
Lasa teng a vekpi un siam khin sitset hi mahleh ki demna ahih manin a vekpi in a khatna piak thei om tuanlo ahih manin a vekpite lak ah khat teitei piak hong kul hi. Tuate lak ah telcing Mungpi Singapore panin hong ngah hi. Global Zomi Idol 2015 Pahtawina $ 5000.00 leh ZIUSA in Pahtawina Aksi limtuang khat pia uhhi.
La paizia neucik zong ka theiloh hangin kei mimal muhna ah Pa Mungpi in Global Zomi Idol 2015 hong ngahna thu pawl khatte in ;
1. Zopuan silh tangtang
2. Ama laphuah mah hong sa
3. Zopau siam sitset tak in kampau
4. A sam tomsak in maitai
5. Aw siang leh lunglut takin lasa
6. A aw pi mah tawh hongsa ziahziah
Min thanna thupi mah hi. Ahi zongin a minthang icihte ka muhzia in Lasa siam bek hi nawnlo Laphuah siamtawh a khopte ahi uhhi. Pa Mungpi pen Lasa siam bel hilo Laphuah siamzong hi sawnsawn ahih manin Zomite i hamphatna khat ahihi. Music tumsiam bek hilo in, Lasa, Laphuak tawh a khop khawmte tu hun teh hoih semsem hi. Lasak, Laphuah siam cih hangin Pasian thu ah a piang thakte Lasak, Laphuah, Music tumte mah minthangin Pasian in kipkhosak bek hi.
Pasian kiang pan bek in siamna, theihna, pilna hong pai hi cih a telte ki niam khiat in, mite tungah deihsakna nei-in itna uhhi. Pasian min phatna ahih nakleh mi tamna, mi tawmna, mipil lak, mihai lak cihte enlo uhhi.
Global Zomi Idol hong ngah Pa Mungpi Singapore kong lungdampih mahmah hi. Lungdam.
Thawn Tuang
Nashville TN USA
July 5, 2015
Ka laigelh tengteng>>www.zomi-angvaan.blogspot.com
Thang Thawn Tuang Guite says
Khatna a pia ten piaktaaksa ban ah Lapai zia a theiten piaktaak pen ei ciciat uhhi. Ei khawng Judge ah ki hel leng ei tanau te mah piamawk ni.
Mi mawhna ding zongzong sakna tawh ki kalsuan nawnlo hi. Lungdam. By. Thawn Tuang
[email protected] says
USA gam ah hun ihlap kei leh point ki ngah lianlian hi. Nidang ciang hunlap zolo tetawh thuvaihawm nawnlo ding thupi hi. Judge te bel hun zahtaaklo gam pan a hongpai vive uh hi.
KHAIPAU says
Studio lutsa ten Idol dem thei maw, thukhun cihdan neilo hilo dia.
josephhau says
Guai , aw pi tawh sa Ih cih teh abang dan ai tam?asiam te sak dan maw or asiam mel lo te sak dan?la ngaih deih maw or la ngeih deih?
Thangpu says
Kisai keitak ei tua thum teng
liando says
ahithei teng zongman mah. ahithei loteng
1 ,pawi lianmahmah khatpai ding pen vanleng in nusia hi,vanlenglap zolo hi,
2, studio lutkhinkhat hi
3,papi sa khat hi.