Facebook tungtawn in Malaysia PM leh azi agensiapa kiman

Facebook tungtawn in Malaysia PM leh azi agensiapa kiman

Malaysia gamsung ah pasal khatin gammakaipipa leh azi gensiatna kammal pawlkhat Facebook tungtawn in gelhkhia ahih manin kiman cih theSun pan kiza hi. Tuapa pen Facebook tungah “Superman” ci’n akithei, aminthang khat hi a, nidangin DAP Member luikhat ahihi. Aminpen Hew Kuan Yau hi a, Malaysia gammi veve lakpan in Chinese tekhat ahihi.

Agensiat gammakaipi pen Malaysia Prime Minister Datuk Seri Najib Abdul Razak leh azi Datin Seri Rosmah Mansor ahihi.

Internet tungtawn in midangkhat nawngkaisak, kammal hoihlo zang, lunggimsak cihte hangtawh “Section 233 (1)(a) of the Communications and Multimedia Act 1998” thukhun tawh kizui in mat a thuaksakziau uhhi.

Hew Kuan Yau ii Lawyer pa genkhiatna ah hihpa pen Penang khuasung aom Asia Comic Cultural Museum ah Curator asem khat cihi. Malaysia PM Najib leh azi Rosmah tepen Movie sunga Disney Characters “Beauty and The Beast” acihte tawh kibanghi cih kammal hoihlo Facebook tungah gelhkha ahih manin Monday ni in akiman ahihi.

Hew Kuan Yau pen kum 47 aphakhin khat hi a, Facebook tungah Malaysia PM leh azi gensiatna kammal agelhkhiat pen March 15 ni ahihi.

Hew Kuan Yau pen tulaitak Lockup ah kikemlai phot a, mawhhi cih aki muhkhiat taktakleh thong kumkhat bang ki kiasak theiding ci a, liausum zong RM50,000 bang ki liausak theiding cihi.

Video Clip na etnopleh: ‘Superman’ Hew remanded over offensive FB post against Najib and Rosmah

Zanni inzong Kulai Magistrate’s Court ah thusitna neiding in kipaipih a, ahi zongin bangmah thukhenna kinei nailo in Kulai Police Station ah ki ciahpihkik cih kiza hi.

More: Facebook in mi pawlkhat asi ci in tangko khial

Facebook tungtawn in midangkhat “intent to annoy, abuse or harass another person” cihtawh kimanthei hi. Tua ahih manin Facebook tungtawn in midang khat utbang in kogawp, gensia gawp, utbangbang in thumanlopi gelh cihte kidopding phawk huai mahmah hi. ZD Sawltak #zomidaily