Malaysia Banting vengsung ah damiah mi 4 kiman, khat kikapliam

Malaysia Banting vengsung ah damiah mi 4 kiman, khat kikapliam

Malaysia, Banting vengsung ah guta damiah “Robber” in aki ummawh pasal 4 kimankhia cih theStar pan kiza hi. Tua guta damiah in aki ummawhte pen Police te’n amuh uhciangin mawtaw tawh taimangsawm ahih manin, Police te’nzong mawtaw tawh delhpah in tawlpikhat High-speed Chase akidelhkhit uhciangin aki mankhiathei uh ahihi.

Zanni zingsanglam 8:15am hunpawl in khuasung encik in avakkawikawi Police Mobile Patrol Uni te’n guta damiah dingin munmawhhuai pasal pawlkhat mukha uhhi.

Muanmawhhuai in aomlam Police te’n amuh uhciangin tuate tuanna mawtaw pen lamgei ah akhawlnading in Police te’n thupia uhhi. Ahi zongin tua damiah te’n akhawlloh banah nakpitak in mawtaw hatsak vingveng in, Banting, Jalan Bunga Pekan lamzikpi zuanin taikhia uhhi.

Tuaciangin Patrol Police te’nzong delhpah uh a, tuaban ah asawtlo in adang Patrol Units te’nzong delhpih uhhi.

Video: Four men believed to be robbers were arrested following a high-speed chase in Banting. A police mobile patrol unit came across the suspects, who were in a car, at about 8.15am yesterday.

Selangor CID chief Senior Asst Comm Fadzil Ahmat in agenkhiatna ah tua damiah te tuanna mawtaw in Patrol Police te ii mawtaw 2 zong nawkkha cihi.

Anunung ah tua damiah te tuanna mawtaw in Shophouse khat nawkkha, taihkha in tuaciangin Police te’n mantheipan uhhi.

Mawtaw akhawlkhit ciangin damiah te lakah khatpa pen kitomgawp in tuaciangin Police te’n tuapa pen thautawh kapkul cihi.

Tuapa pen ataklam leh akhe thautawh kikapliam ahih manin Banting Hospital ah zatui Treatment kibawlding in kipuaksak hi.

More: Malaysia palik mi 4 te’n damiah taihin RM20,000 laksak ahih manin ki mankikpah

Athu akikan ciangin tua mi 4 tepen abeisa in gitloh gamtatna tamveipi abawlngei te uh hi a, tuaban ah zatui Drug tawh kizom inzong buaina anei te uh kici hi.

Inn buluhna in azat vanpawlkhat zong tuate mawtaw sungpanin ki mukhia hi. Akiman damiah mi 4 tepen kum 20 leh kum 30 kikalpawl hi uh a, thusitna thuaklaiding in kikemcip phot hi. Sawltak #zomidaily