Malaysia ah siah (tax) kipia kha ding

Malaysia ah siah (tax) kipia kha ding

Goods and Services Tax- GST a kici vante le sepnate ah siah piakna pen 1/4/2015 ni pan kipan 6% ta kipia kha ding hi.

Kuateng in pia kha ding cih thei huai hi. Nidang tumasiah in Malay gammi kha sum tul thum tungsiah a ngah te bek I’m siah pia kha hi. Tul thum sang in a a tawmzaw kha sum a ngah te pen siah piak kullo in hihte pen low income kici kha sum a tawm in ki ciamteh a hih man in siah (tax) pia khalo hi.

Tu in gam mite bek hilo gamdang mi (Malay gamsungah om khempeuh) in van leina limlim ah siah kipia ding cihna hi. A zawng a hau ki deidanlo in siah 6% pia kha den ding hi.

GST 6% cihteh bang a hiam?

Vanzuakna sum buuk te ah van na lei aim in RM100 man na lei le RM6 a val in GST piakha ding na hihi.

Tax refund (na siah piakte na ngah kik diam)

Zomi a tamzaw in gam thumna lam a manawh nuam vive ih hih man in kumpi in ciaptehna bangmah hong pialo a hih man in bangmah kingah kiklo ding hi. Ngah kik cih thadah van man khang beh lai ding hi. Kipawlna card khat pepeuh tawh zato kilak te lutman nidang in RM15 kipia kha in tuni ciang RM50 a kipiak zawh pen hongsawt sim ta hi. Siah pia kha ka hih teh hong khiam kha inteh cih zong omtuanlo ding hi.

Gentehna ah nidang Teksi tawh KL khua laizang pan Puchong na pai ciang RM20 a bei le tu in RM35 bkhan bei ding hi. Nidang in Teksi tuan na kipat teh RM3 metre kipan in metre 200 na tai sim or second 20 na hunsung in 20cents bei hi. Tu in 25 cents ah kahto hi. Na Teksi pai ta le traffic ah awkcip ta le cin a sum tungzah kibang veve ding hi.

Lung hih mawh huai ah kha sum a khansak ding bel lametna tawmzaw in Vanman a khan ding bel lametna tamzaw hi. Sum ngah na ki behlap lo ding a, van man tamzaw ding a hih teh ih khua ul sisan tawh ih zonsa a manpha sum te zeek siam ciat ni.

Sum neih sun sun tawh kha khat in khatvei bek ih sum ngahna a hi ih hunbei, thatang bei a ih thalawh sum te zatsiam ciat ni. Lawmte tawh kimuh ciang in gualnopna hi e, khatvei kimu susun ci in duhdandan in beer dawn aw, zu dawn na te tawh sum mawk beisak kei ni.

Francis Khampi