Malaysia gamsung ah nungkumsung bekbek in ISIS tetawh aki pawlsim khinkhian dingin aki ummawh mi 82 ki mankhia cih The Sun Daily pan in kiza hi. Tua mi 82 lak ah mi 73 tepen Malaysian, Malaysia gammi kician mahmah te nahimawk uhhi.
Bukit Aman Special Branch panin Director Commissioner Datuk Seri Mohamad Fuzi Harun kicipa ii genkhiatna ah Syria leh Iraq gamsung ah Malaysia gammi ISIS tetawh akipawl mi 47 bang omding cilai hi. Gamsung gampua ah ISIS tetawh akipawl Malaysia te natam mahmahmawk uhhi.
Ulian khangcingsa bekthamlo, naupangno kumcingnailo nangawng IS sungah kihelmawk uhhi. Malaysia naupang pen atawmpen mi 8 bang phading kicimawk hi. Tuate pen aneutung akipan galdodan leh gitlohna tuamtuam kisiksakpah a, mailam ah ngongtat nasepna te ah zattheih dingin aki sinsin hita hi.
Banghang in hibang in kitheikhia hiam cihleh Syria leh Iraq gamsung ah hih Malaysia gammi te hongsih taktak uhciang in a inn ah anutsiat nulehpa, sanggam innkuanpih te’n Malaysia Police te tungah huhna hongngen ta uh a, bangbang hileh aluanghawmbeek inn ah hongtuntheih nadingin hong panpih uh civeve mawk uhhi.
2013 kum leh 2014 kumnih sungbekbek in ISIS tetawh ngongtatna sungah akihelkha Malaysia gammi 17 in sihlawh uhhi. Tuateng lak ah mi 6 tepen Suicide Bomber akici amau leh amau thaupi tawh aki puakkhamlumsak te ahi uhhi.
Datuk Seri Mohamad Fuzi Harun in adawnkikna ah ahihleh Bomb tawh amau pumpi ki piakhia in asikhin te ii aluanghawm pen Malaysia gamsung ciahpihding piangtheilo hi. Ahi zongin adang adamlai Malaysia gammi te bangcihding cih ki ngaihsun hi ci’n dawngkik hi.
Nungkalsung mahmah inzong Malaysia gammi te 2 in aluangkham in Suicide Bomb sukham uh a, mi 33 in sihlawh cih thuthang kiza hi. ZD Sawltak #zomidaily
Comment piaknop aomleh...