Malaysia ah English Teacher te Manglai hilhcian kikna kinei

Malaysia ah English Teacher te Manglai hilhcian kikna kinei

Malaysia Education Ministry vaihawmna tawh “Programme for English Language Teachers (ProELT)” cih khatvei kineikik leuleu hi ci’n Deputy Prime Minister Tan Sri Muhyiddin Yassin in genkhia hi.

Hih Program pen sanginn ah laihilh English Teacher sangsia te Manglai hoihtak ahilhthei nading in hilhcian kikna aneihpih uh hi a, hih Program sungah English Teacher mi 10,502 kihelthei uhhi.

Hih Program pen Malaysia Education Ministry in 2013 kumpek pan ahanciam uh hi a, ahunhun in azom toto uh ahihi.

Malaysia gamsung ah English Language Teacher pen mi 60,000 bang omding in aki lamen hi a, tualak ah hih Program akah pen mi 10,502 bang phamawk ahih manin, avaihawmna uh tangtung mahmah leh mi tampitak ki helzosak uh cihtheih ahihi.

Banghang hihthu pulakkhia dihdih ihhihiam cihleh??? Manglai athupisak masa hetlo tawh akibang Malaysia inzong agamsung aom English Teacher tepen hoihtakmah in Manglai ahilhtheih nading in sinciankikna neisakmawk uhhi. English pen thupi hi cih musemsem uh zong hikhading hi.

Ei Zomi te e leh banglai thupi sakding, banglai sinsakding cihtawh buaibuailai dingmaw??? ZD Sawltak