Afghanistan, Kabul City ah Ambulance Bomb puakkham, mi 95 si, 158 liam
Afghanistan gam ii Capital khuapi ahi Kabul City sungah zanni Saturday (Jan 27) ni in Bomb puakkham a, mi 95 takin asihlawh banah adangzong mi 158 bangin liamlawh dikdek uh cih AFP pan kiza hi. Tua Bomb puakkhampen cina puakna mawtaw “Ambulance” sungah akikoih hi a, mipi adim phitphetna “Crowded Area” khatah apuakkhamsak uh ahihi.
Kabul City sungah abeisa tuciangciang Bomb puakkham te lakah hih Ambulance Bomb puakkhampen ahuaisia penpen, alipkhap huai penpen hi ci’n Officials te’n genkhia uhhi.
Hih Bomb asukham pen Taliban migilo te’n ko ii gamtatna hi ci’n genkhia uhhi. Cina puakna Ambulance mawtaw sungah apuakkhamthei “Explosive” thauvui adim phitphet in aguankhit uhciangin mi tampi aomna laizang ah apuakkhamsak uh ahihi.
Taliban migilo te’n kalkhat sungin nihveitak mipi te asuamlupna uh hita hi. Hih Ambulance Bomb puahkhapna hangin ageinai aomkha mipi te naksukkhak mahmah a, Bomb akitapna aphual ah mihing pumpi athemthem in aki thehzak in silehnai tawh kidimzihziah hi. Hospital khempeuh ahzong asilo aliamte kipuak in, buaikhengkhang mahmah uhhi.
Afghanistan gamsung ah Kabul City pen Islamic State leh Insurgents te’n simzel uh a, Afghanistan gambup ah Kabul City sungaom mipite’n gal limthuakdiak in, asi aliam atam phadiakna khuakhat ahihi.
Video: Ambulance bomb kills 95, wounds 158 in Kabul
AFP Reporter khatin agenna ah khuasungmi Civilians bekbek asi leh aliam bekbek, numei pasal naupangno akipan leilak ah dimphei zihziah in mulkimhuai mahmah cihi. Hih Ambulance Bomb apuakkhapna munpen Jamuriate Hospital tawh kinai mahmah a, Meter khatkhawngbek kigamla cihi.
Health ministry spokesman Waheed Majroh inzong hih buaina hangin asi pen mi 95 phakhin in, aliam bekbek pen mi 158 bang phahi ci’n AFP te tungah genkhia hi.
Hih Ambulance Bomb apuakkhapna Area tengpen kipawlna minthang tuamtuam “high-profile organisations” aomna vengsung hi a, European Union te ii zumzong tuagei ah aom ahihi. Ahi zongin European Union te bangmah sukkhakna omlo hi ci’n thunei te’n genkhia uhhi.
More: Bangkok aom Myanmar Embassy ah Fake Bomb kimu, Security kikhan
Ambulance Bomb puakkhampen khauhlua mahmah in, apuahkhapna aphual panin 2 Kilometer huamsung aom Building innpi te kiloksak in, innpawlkhat zong aki ciplawhbang om ciliang hi. Sawltak #zomidaily
Comment piaknop aomleh...