ZIUSA makaihna tawh Washington D.C ah lungphona nopci tak leh picing takin ki zo thei

ZIUSA makaihna tawh Washington D.C ah lungphona nopci tak leh picing takin ki zo thei

Zomi D.C News: ZIUSA makaihna tawh Washington D.C ah lungphona nopci tak leh picing takin kibawl thei

India gam, Manipur Gamkee sung aom Singtang Mite’Dinmun, Thu neihna leh Zogam Leitang hong kisuhkhiat sawmna hangin in Zogam Lamka ah buai na hong piang aa, Zomi laizom 9 te in nuntakna hong piakhia uh hi. Tua tawh kisai in Leitung gam tuamtuam ah Lungphona kinei ziah ziah aa, USA gam ah zong Zomi Innkuan USA (ZIUSA) te makaihna, vaihawmna leh Zomi Innkuan D.C Area (ZIDC/Zomi D.C) te innteek sepna tawh Lungphona pen September 8, 2015 ni in Embassy of India mai, Washington D.C ah nopci tak leh picing takin kibawl aa, tualai ah Zomi Laizom tampi hong kihel thei hi.

ZIUSA General Secretary Pu Go Sawm Khup, ZIUSA President Pu Do Khan Khup leh ZIDC/Zomi D.C Adviser Pu Ngo Cin Thawng te in Indian Embassy thu nei te tawh holimkhopna, ngetna te zong picing takin va nei thei uh hi. Lungphona pen nai 12:00pm kiim in nuamtak kizo thei hi.

Hih lungphona in Leitung gam tuamtuam aom Zomite kipumkhat na hong kilangsak bek thamlo in, Zomi sungah Innkuan khat si khat sa khat i hih na te hong kilang sak hi. Mailam ah zong Zomite kipumkhat in i gam i minam aading i sep khop diam diam ding leh i kipanpih diam diam ding thupi mahmah hi.

Hih lungphona hong makaih Phualpi ZIUSA te tung ahi zongin, sak leh khang pan hong kihel Zomi Laizom te tung ahi zongin, D.C Area sung pan hong kihel Zomi Laizom te tung Zomi Innkuan D.C Area pan kilungdam mahmah aa, lungdam kiciam teh hi.

Lungphona photos: www.facebook.com/zomidc

Zomi D.C News Group
Information Department
Zomi Innkuan D.C Area (ZIDC/Zomi D.C)
—————————————————-
Zomi Innkuan Washington D.C Area (Zomi D.C/ZIDC)
[email protected]
www.zomidc.org
www.facebook.com/zomidc
www.youtube.com/zomidc
Motto: “Zomi Sungah Innkuan khat i hi hi”;
Covered Areas – D.C Area (Maryland, Washington D.C, Virginia)