Malaysia, Malacca ah Chemical kehkhia ahih manin, adikkha mi 50 zato tunlawh

Malaysia, Malacca ah Chemical kehkhia ahih manin, adikkha mi 50 zato tunlawh

Malaysia, Malacca huamsung aom Kampung Tambak Paya khuasung ah Gas akehkhia “Chemical Leak” om ahih maniin, khuasung mi 250 bang kihemkhia cih theSun pan kiza hi. Thursday zanlam in thupiang hi a, tuzingsang 5am dong khuasung mipi te aki hemkhia in buai ngeingai mahmah uhhi.

Hih Chemical Leak hangin tuciangciang mi 50 in zato tunlawhkhin uhhi. Tualak ah khuasung mipi te atamzaw kihel uh a, Firefirghter zong mi 4 kihelkha hi.

Malacca Disaster Management Committee Secretariat head Lt.Col (PA) Efffendy Ali in agenkhiatna ah hih Chemical Leak hangin mi 32 pen Malacca Hospital ah kipuak hi. Tualo adang mi 18 tepen Jasin Hospital ah kipuak hi ci’n Statement ah genkhia hi.

Hih Chemical kehkhiavai pen tuciangciang akitheihna ah Chlorine Gas akikoihna bunggolpi te kehkhia in, tuahangin huihlak ninsakgawp cihi. Akiim apam aom kilometer 1 huamsung (1 kilometer-radius) tengin huihlak ah Checmical kihel ahih manin, athuaklahgawp uh ahihi.

Hih buaina apian ciangin Rescue Team te’n delhpah uh a, Checmical akehkhiatna pen bunggolpi Drum 10 panin akehkhia cih kimukhia hi.

Ageinai aomkha khuasung mipi te’n thuaklahlua mahmah uh ahih manin, ki taikhiasak in Relief Center kibawlsak hi. Tualai ah zanni nitaklam 5pm hunpawl akipan khuasung mipi te innzang nusia in ki taikhiasak hi ci’n Malacca Malaysian Civil Defence Force panin Director pa’n genkhia hi.

Department of Environment leh Fire and Rescue department te’n zanthapai tua Chemical akehkhiatna teng siansuah uh a, tuzingsang 4:30am hunpawl in zosiang theipan uhhi. Tua Area kuamsungteng bangmah lauhuaina omnawnlo hi ci’n thunei te’n tangko khiata uhhi.

State police chief Deputy Comm Datuk Abdul Jalil Hassan in agenkhiatna ah hih Chemical akehkhiatna Drum bunggolpi tepen asungah Chlorine kikoih hiding ci a, kuamah aomlohna inn akinusiacip khatpanin akehkhia cihi.

Video: Melaka chlorine gas leak: 50 being treated in hospital, including firemen

Tua ahih manin, hihbang in Chemical akehkhiatna Drum bungpi te tungah akigelh Serial Number te hoihtak ki encianding a, koihpan hihbang in piangtheihiam cih ki kankhiading cihi. Tulaitak Fire and Rescue Department te tungpan in Report angak laitak uh ahihi.

Tua Drum bungpi te tungah akigelh Serial Number te tungtawn in hih Chemical tepen koipan, koi Industry pan cih kikantheiding cih kiza hi.

Related: India gamsung ah Gas Tanker khat kehin sangnaupang 200 zato kipuak

Zanni in hih kuamsungteng ah huihlak panin agim namsia kiza a, khuasung mipite leh mawtaw tawh anawkkha te’n tua huihsianglo dikkha in alung amcip in sungnimsak, luaksuaksak cihi. Tua ciangin State Fire and Rescue Department hazardous materials (Hazmat) team te aki zasak ahihi. India gamsung ahzong hihbangdan huihlak Chemical kithehzak vai thuthang nungdiak in khatvei omngei a, mi 200 tak zato tunlawh uhhi. Sawltak #zomidaily