Madeira tuikulh tungah gammeikang nasia mahmah, mi 3 sikhin
Portugal, Madeira Island ah gamsung meikang nasialua ahih manin mi 3 in sihlawhkhin cih BBC News in genkhia hi. Tua asite lakah khatpen nupi hi a, aomna a inn meikang in amahzong mei in kanglum hi.
Adang asi nihzong aom banah midang khatzong aomna kitheilo in mangcip cih kumpi thunei te’n genkhia uhhi. Tuaban ah mi 2 zong limliam mahmah uhhi.
Mi tultampitak hih meikang Wildfires hangin aomna Hotel leh a inn uh panin taikhia uh a, neilehlam te nusia in apumpi mahmah uh asuahtak nading in ataikek gawp uh ahihi. Inn zong tampi kangtum cih kiza a, tuaban ah Five-star Hotel minthang khat ahi Choupana Hills Hotel zong meikang in nawkkha khin hi.
Hih meikang pen ni 2 sungbang hita ahih manin khuahun zong lum cihtak in lumsemsem a, 35C tungsiah hitota hi.
Portugal’s civil protection agency te’n Wednesday ni zingsang agenkhiatna ah mei katna munpen mun 109 bangah kangzihziah ci uhhi. Tualak ah meikatna mun 11 tepen lauhuai phadiak ci uhhi.
Arouca acihna lamah zanni in huihtawh kithuah in gammei kang kizommawk ahih manin, khuasung mite ki taikhiasak hi. Pawlkhat kikawmna lamzikpi tezong ki khakcipkhinzo hi.
Meiphelhding in Emergency Workers mi 3200 bangin nasiatak in gamsung ah meiphelh in abuai mahmah laitak uh ahihi.
Russia’s secret service te’n hih Europe gamsung meikang pen migilo te khutma hiding hi ci’n genkhia uhhi. ZD Sawltak #zomidaily
Comment piaknop aomleh...