Africa gamah Algerie te vanleng khat Radar pan mang cileuleu
Air Algerie Flight AH5017 disappears from radar
Africa gamsung aleng Air Algerie te vanleng khat mi 116 pua in Burkina Faso pan Algeria khuapi zuanin alengkhia hi a, Radar panin ki muzo nawnlo cih thuthang khat omleuleu hi.
Burkina Faso khuapi ahi Ougadougou panin alengkhia hi a, Ari Navigation Services te’n alenkhiat khitzawh Minute 50 khitciang Radar pan kimuzo nawnlo cihi. Hih amancip vanleng pen Air Algeir Flight 5017 hi a, Swiftair MD-83 namte ahihi.
Spanish Airline Swiftair te genkhiatna ah hih Flight 5017 tungah Passengers 110 leh Crew mi 6 tuang uh cihi. Burkina Faso panin Algiers zuanin nitak 9:17pm EDT Wednesday ni in alengkhia hi a, 1:10am EDT Thursday ni in atungdingpen tudong ki thuzakna omlo, Contact ngahlo hi ci’n Swiftair in genkhia hi.
Tusung pen vanleng buai in kibuai ngeingai a, asi aliam zong tampitak omkhin hi. Alamdang mahmahkhat ah Malaysia te vanlengmang pen MH307 hi a, nungin aki kapkhia pen MH17 hileuleu hi. Tu’n Africa gamah AH5017 mangcip leuleu cihi. Sagih “Seven” Number pen kibang citciat hi. Bangdeihna aomtam? ZD Sawltak #zomidaily
Comment piaknop aomleh...