Chan Hao Shan kici Malaysian gammi kum 19 aphapan numei khatpen maikum ciangin Bachelor of Medicine, Bachelor of Surgery (MBBS) tawh sangman tading ahih manin, Malaysia gamsung ah akum atawmpen, akhangmoi penpen Doctor hiding kici hi.
Chan Hao Shan pen kum 8 aphaklai in anu in Breat Cancer ngah ahih manin, tuahun akipan Doctor khat asuahzawh nadingin hanciamnopna, sapna “Calling” angahkhat ahihi.
Tuahang in mihing te pumpi “Human Body” kilamzia, Organs te nasepzia cihte pen aneutung akipan lunglut takin kantawntung, simtawntung pahhi.
Mihing te pumpi tungah aom na khatpeuh in bangci bangin nasem hiam cih kalunglut mahmah cihi. Tulaitak Taylors’ University ah MBBS asin laitak hi a, maikum ciangin asangkah mansiang tading a, Malaysia gamsung ah kum atawmpen Doctor khatin ciaptehna angahding hita hi.
Sin Chew kici Newspaper tetawh Interview abawlna ah kaneutung akipan laisim ka ukmahmah cihi. Aneutung akipan laisim ukmahmah ahih manin anu apa tetawh laibuzuakna Book Store ah paizelzel uhhi.
Apa pen Engineer khat hi a, anu pen Accountant khat ahihi.
Kuala Lumpur khuasung aom Sensang Chinese Primary School khatah sangkah kipanin, tuakhit ciangin International School khatah asangkah azomsuakding in kituah hi.
Form 1 leh Form 2 tepen khanih sungin zoziau hi. Tuaciangin Form 3 leh O Level tezong khanihsung mahin zosuak leuleu hi. Secondary School ah akisinding khempeuh kum 1 sungin zosiang cimawk hi. (Midang te’n kum 4 sungbang asinding pen aman kum 1 sungin zosiang cimawk hi)
Keileh kei kaki toden, Challenge den hi ci’n Chan Hao Shan genkhia hi. Tuahang mahin sanginn ah kum tampi akisinding te kakhengto mengmeng cimawk hi.
Sanginn Classroom sungah Teachers te’n asinsa te damdam in hong sinpih ahih manin, cimhuai kasalua cimawk hi. Midangte sangin theibaih zawden hi.
Kum 14 aphak ciangin Private College khatah Australian Matriculation (AUSMAT) Program kahin, tuazong kum 1 sungmah in zosiangziau hi.
Related: Matupi aom Medical Doctor khat sum neksialua ahih manin aza kia
Maikum ciangin MBBS tawh sangkah azosiangding hita a, ahi zongin Specialist khat kahihdong in laisinna kazomsuak vevelaiding hi ci’n genkhia hi. Sawltak #zomidaily
Comment piaknop aomleh...