Lunglut huai mahmah ~ Pu Thangboi

Lunglut huai mahmah ~ Pu Thangboi

Tukha 24 ni Indu nisia gam a kibawl ding Ar si-an thu kikupna pen nak lunglut huai khe mahmah hi. Bang hang: Men Ong Lai vapai ngiat ding hi.

Hithei liai leh tulaitak bel koimah puapial nuam dihdih hetlo ding hi. Tua pipi paisawm veve ahih man in ama’ ading in nak thupit mahmah cihna hi. (Pawlkhat in Pai leh akiman pah ding peuh sa mawkmawk in tua bang ziauziau omtheilo hi. Mat theihna ding thu om nailo hi).

Zu En sikhiuliti kawngsil in kawlgam buaina ar si-an tungtawn a phelh ding cih pen Sen te’ proposal ahi hi. Tu’n zong hih kimuhna pan a hong piangkhia ding result angak hi ung ci’n US te’ sikhiuliti kawngsil palai nu in genkhia hi.

Tua ahih man in tutung kimuhna pen nak thupit khe mahmah hi. Ahizong in mipi’ lam-et zah in bel result ong hoih khollo khading hi. A result ding kei’ lam-et pongmawk ah:

1. Ong San Suh Cii leh apawlte tawh kiho ding in misokte thukim thei
2. Nung kum kitelna a vote te ar si-an tawh sitkhawm ding in ong vaihawm thei uh
3. Rohingya te ka Gam vuah kasangkik ding uh hi cithei

Peello bel tu a kimuhna khit teh Zu En palainu in kawlgam lutkhuan ngahta in um ing. Gamvai a thongkia pawlkhat in suahtak lawh thei inteh.

Thudang Khat Ah:

Kawlgam kumpi thak En Zu Zi tuni dong kumpi khat a apom gam khat zong om nailo hi. Hih ar si-an kimuhna aziangak phot zong pawlkhat om ngelngel ding hi.

Misokte’ Maban

Misokpa tutung kimuhna ah akihel khak hang in amau kumpi a kipomna hipah zenzenlo hi. A palsat ding uh guampi 3 omlai hi.

1. August kha ciang in ar si-an regional forum om ding hi. Tua Lai ah amelikan gamdang vuanzi kah maw kahlo cih etkul lai ding hi. (Misokte tawh tukhawm nuam keng cithei uh hi nidang in)

2. November kha ciang in ar si-an khawmpi (summit) om ding hi. Tua lai ah US kumpipa misokte tawh tukhawm nuam ding maw tukhawm nuamlo ding cih zong hong thupi mahmah ding hi. (Republican te sang in Democrat te’n kawlgam veizaw den uh hi)

Athupi penpen;

3. September kha ciang in UN General Assembly om ding hi. September kalthumna Tuesday ni sial a kipan ahi hi. Tukum pen 14 ni tawh kituak hi.

Tua khawmpi ah kawlgam palai ding in misokte sang ding maw nug te sang ding cih ki khentat ding hi. Khawmpi kipat ni in Credential Committee mi 9 tawh kiphuan Masa ding a tua committee in Gam palaite’ credential (muanhuaina) sit ding uh hi.

Tu a NUG Dan mah ahi 1990 kum a MP te’ phuat NCGUB in zong UN ah Credential challenge bawlngei uh a lel uh hi. Ih deihdan Hong bang pah hanhan kei zong in lam-etna bel omlai hi. Lungdam, Mung Laan Thang (Tawmvei, Yangon)