Central London aom London Bridge leh Borough Market ah Saturday nitaklam buaina hangin mi 10 si cih CNA pan kiza hi. Tua asi mi 10 lakah mi 3 tepen migilo “Assailants” te hi uh a, Police te’n athum in akaplup uh ahihi. Hih migilo tepen “Terrorists” te hi ci’nzong London Police te’n genkhia uhhi.
London Metropolitan police commissioner Cressida Dick in agenkhiatna ah aliamzong mi 48 bang pha cimawk hi. United Kingdom sungah tukum March khapan kipanin Terror Attack pen athumveina hita hi. (Atung a Photo sung anuai lamah atuk mi 3 tepen migilo 3 te kici hi)
Saturday nitaklam 10pm khitdeuh in Van mawtaw khatin London Bridge tungah khetawh apai hiathiat “Pedestrians” te phulpheigawp in, mawtaw pen High Speed tawh hattak in hawlphei uh cihi. Tuakhit ciangin mawtaw sungpanin migilo te diangkhia uh a, Borough Market sungah mi amuhpeuhpeuh uh dawtpheigawp cihi.
Tua migilo tepen apumpi tungah apuakkhamthei tawh akibang “Explosive Vests” vive silh uh cihi. Ahi zongin tuate pen apuakkhamthei taktak hilo in, midang lausak nadingin akhemna “Hoax” ahihi ci’n Britain’s head of counter-terrorism Mark Rowley in genkhia hi.
Hih London khuasung buaina pen Police te aki zaksak ciangin 10:08pm hikhinta a, tuazawh Minute 8 sungin London Police khatin tua migilo 3 te avekun kaplumkhinta uh cihi. Tua akaplum Police papen “Police Armed Resonse Team” pan ahihi.
London Ambulance Service te genkhiatna ah Hospitals tuamtuam ah akipuak pen mi 48 bang pha cimawk a, tualo aliamngawhlo tepen atuahsiatna aphual ah akibawlpah zong tampi om cihi. Ahuaisia diakte pen zato akipuak hi ci’n Assistant Director of Operations, Peter Rhodes in genkhia hi.
Video: London attack: Six killed in vehicle and stabbing incidents
Hih London Bridge buaina aom laitak in ageinai aom Vauxhall Area ahzong temtawh kidawtna Incident khat piangin ahi zongin hih buaina nihte pen kizopna omlo cihi.
Hih London Bridge buaina akipat pen Real Madrid leh Juventus te Champions League Final aki suihkhitdeuh, sawtvetlo in buaina apiangpah cihi. Khuasung Bar tuamtuam ah mipi te Football Match enin abuai mahmah laitak ahi uhhi.
Related: London khuasung ah Terror Attack hangin mi 5 si, 40 liam ~ ZD
UK Prime Minister Theresa May inzong London Bridge tungah buaina pen “Act of Terrorism” tawh kizopna omding hi ci’n gencianna neikhia hi. Tuaban ah London Police leh Emergency Services te aphual ah ahunlap in asepzia, abawlzia te uh thupilu in, kalungdam mahmah cihi. Asi leh atuahsia innkuanpih te tawhzong ka dahkhawm hi ci’n pulakkhia hi.
Comment piaknop aomleh...