Bali Airport sungah Australia gammi khat amahleh amah ki thahlupsawm
Australia gammi khat Indonesia, Bali Island aom vanlengtual sungah amahleh amah ki thahlupsawm cih Jakarta Post te’n genkhia hi. Ngurah Rai International Airport sung aom inndawl 3 na panin zanni Tuesday ni in alenkhiatsawm ahihi.
Tua Aussie papen amin Gregory Lee Butler kici a, kum 46 aphakhin khat ahihi. Bali Airport sung aom inndawl 3 na panin amahleh amah ki thahlupsawm, Suicide sawm kici hi. Innsangdawn kawmkil ah kilehleh in “Corrupt” cizel, “Rude” cizel in tamveipi awngbaba cihi.
Nai 1 sungbang tuabang in Airport sungah awngbaba in, buaina piangsakgawp hi. Police te leh Airport Aviation Security te’n zolbawlbawl uh a, nitaklam 6:18pm hunciangin kizolthei in, tuaksuk nawnlo in asihdingpan ki honkhiathei hi.
Airport Operator makaipi te genkhiatna ah hih Gregory Lee Butler ii vansungteng akisit ciangin Anti-depressant medicine zatui pawlkhat kimu in, alungsim amantak phalo hiding kici hi.
Video: Australian threatens suicide at Bali airport
https://www.youtube.com/watch?v=YdovlbKJsQA
Monday ni inzong Kuala Lumpur zuanin alengding Air Asia vanlengkhat ama hangin ki Cancel in, alending kikhawlsak cihi. Tua Air Asia pen AK379 hi a, alenkhiat madiak in vanlenghawl te tutna Cockpit Door pen lokgawp in, mikhat in hong thahlupsawm cimawk hi. Tuaciang in vanlenghawl Pilot te’nzong Passengers te Safety ding ngaihsutna tawh tua vanlengpen lengkhiasak nawnlo in, khawlkiksak uhhi.
Tuakhit ciangin Air Asia tungah atuangding te zankhat Kuta khua ah ki giaksak in, azingciang Tuesday zingsang in Kuala Lumpur zuanin lengkhiapan uhhi.
Gregory Lee Butler pen Airport Security te’n mansuak uh a, thusitna hoihtak nei uhhi. Tua thusitna amankhitdeuh ciangin Bali Airport sungmah ah amahleh amah ki thahsawm in buaina apiangsak ahihi.
Related: Singapore Airport ah palik tetawh akitawng Australia gammipa 11 Charges tawh thu kibawl
Airport Security te’nzong inndawl 3 na panin atuahding khamcipzo uh a, Sanglah Hospital ah puak uh cih kiza hi. Sawltak #zomidaily
Comment piaknop aomleh...