London khuapi sungah galpinih hunlai in akikhiat apuakkham nailo Bomb khat kimu

London khuapi sungah galpinih hunlai in akikhiat apuakkham nailo Bomb khat kimu

London khuapisung aom River Thames geinai ah galpinih hunlai in akizang apuakkham nailo Bomb “World War Two Bomb” khat kimukhia cih AFP pan kiza hi. Tua WWII Bomb akimuh ciangin London City Airport zong kikhaksak cih zanni Sunday ni in thunei te’n genkhia hi.

Tua Bomb golpi pen King George V Dock ah aki mukhia hi a, hihmunsan pen London khuasung Central Airport ii Runway tawh akinai mahmah ahihi.

Tua ahih manin Metropolitan Police te’n tua Bomb akimuhna panin 214m (234-yard) kuamsungteng Exclusion Zone in ciamteh uh a, kidopding zasak uhhi. Tuaban ah London City Airport zong kikhakcip sakphot hi ci’n Airport thunei te’n Statement ah genkhia hi.

London City Airport anawkding, tuapan in azinkhiading Passenger khempeuhzong kuamah Airport ah napai kei un. Aphual ah napaima un nazuihding uh Airlines te hopih masa un ci’n ki zasak hi.

Metropolitan Police te genkhiatna ah hih WWII Bomb pen Sunday zingsang khuavaktung in akimukhia ci uhhi. Aki muhkhiat ahunlian pen 0500 GMT pawl hi a, 2200 GMT hunciangin Exclusion Zone ci’n ciaptehna zong kipawlpah hi.

London City Airport pen East London ah aom hi a, Canary Wharf Business District tawhzong akinai mahmah ahihi. Hih London City Airport pen agamlapi zinna ahilo, anainono Short-haul Flights tebek in akizang ahihi.

Police Statement akhahkhiatna ah hih Bomb pen buaina omlo in aki hepkhiattheih nading thupi mahmah a, tuaban ah khuasung Public mipite lauhuaina apiansakloh nadingzong thupi sem hi. Tua ahih manin, Exclusion Zone ki ciamteh in, London City Airport zong aki khakcipsak hi ci’n genkhia uhhi.

Hih apuakkham nailo WWII Bomb pen Royal Navy te leh Specialist Police Officers te’n hepkhiatding vaihawmkhawm uhhi.

More: London khuasung meileng tungah a puakkham om, migilo te gamtatna ci

Galpinih hunlai “Second World War” hunsung September 1940 leh May 1941 kikal in German Air Forces te’n London khuapi sungah Bomb tultampitak khiatsuk uhhi. Tuate lakah apuakkham nailokhat aki mukhia ahihi. Sawltak #zomidaily