Leitung thuthang (world news) – 15 November 2014

Leitung thuthang (world news) – 15 November 2014

APEC summit beijing:

November 10-11 sungin China khuapi Peking (Beijing) ah APEC-Asia Pacific Economic Conference om a, Kawlgam President U Thein Sein zong kah hi. Hih APEC khawmpi ah China leh Japan tuikulh gam vai buaina hangin kitelkhialhna kum 2 khit ciangin akhat veina kimuhna nei uh a, Obama in apahtakna thu gen a, gam 2 kilemna ding lamsialna hi ci-in pulak hi. qBBC

USA President Obama Galveng Dingin US Galkap Tembaw Hong Pai:

APEC leh Asean + East Asia Summit apai US President Obama galveng dingin USS Pelelin (LHA-5) pen November 11 niin Rakhine tuipipang tunga, Kawlgam galkap tembaw Frigate 1 leh galtembaw 2 tawh kimu ding uhi cih thu Myanmar Navy website ah kisuah hi. 2012 kum apai laiin zong US galkap tembaw khat in zui hi. 25 Veina Asean summit Kumpi uliante hu(galveng) dingin palikmang 18 in tavuan la u hi. qDT

US Term Alang Kiteelna Ah Republican In Zo:

USA ah innpi nuainung pen Term kimkhenin alang kiteelna om a, Obama Pary – Democratic in lelin Rupublican party in zo a, innpi tungnung leh innpi nuainung ah Republican Paryty MP tamzaw hi. Hithu hangin US leh gamdang kizopna buaina amanawh ding hiam cih lunghimawhna om hi. Obama in Republican MP khempeuh tawh sepkhop theih ding hanciam ing ci-in gen a, policy lui kikhel om lo-in athak guan ding pen haksa thei ding hi ci-in kigen hi. Kawlgam tawh kizopna ah investment lam buaina om khollo ding a, Human Rights lambel Repubilican MP tampi in Kawlgam lungkim huaisa lo uhi. qDT

UKraine Ah Russia Galkapte Lut:

Russiate Donest (Ukraine) khuapi ah thautawite huh dingin Russia galkapte lut hi ci-in USA Vice President Joe Biden in gen hi. Russia in Menz thukimna apalsat leh supna lian tuak ding hi ci-in khauhtakin gen hi. Ukraine gam pen Soviet Russia gam hingei a, Ukraine suahtakna ngah khit ciangin Ukraine nisuahna Russia mite tamna state 2 – Donest leh Lensky Myone in Russia tawh kipawl ding utna hangin buaina piang hi. qAFP, DT