Kawlgam thuthang (Myanmar news) – 15 November 2014

Kawlgam thuthang (Myanmar news) – 15 November 2014

Kumpi Khasum Vai Kikum:

November 12 ni Kawlgam Innpi ah Kumpi khasum vai kikupna om hi. U Zaw Myint Pe in kumpi khasum khang henla kumpi nasemte in thudang leh sumngahna dang ah lunglenglo khop dingin pia zo leng hoih ding hi cih gen a, Innpi ukpi U Shwe Mann in thuhoih hi, limtak kikumin 2015-2016 sumkum ah Pension sangte leh ulian palai khempeuh ahuam zo dingin ngaihsut huai hi ci-in thukimna nei uhi cih thu kiza hi. qMRTV,OT

PR Kiteelna Deihlote In Yangon Ah Lungkimlohna Lak:

November 12 ni-in Yangon Hledan Center mai ah PR kiteelna deihlohna, Article-436, Article -6(S), Article 59(F)(G) puahphat ding leh PR deihlo million 5 ngetna thupisimsak dingin awng uhi. November 13 ni-in Gambup Innpi ah 2008 Danbupi puah ding vai kikupna om a, Galkap palai Brig. Mg Mg in galkapte puahnoplohna thu leh kumpi langpang nuamte in 2008 Danbupi puah ding vanzat galhiam tawiin nei uhi ci-in khauhtakin gen a, adang palai 11 in puahhuai ahihna gen hi. Kalay Region Palai Pu Khai Deih Tuang in Myone leh District Admin Officer zong akiteel ahih kei leh kiphasakin mipiteel palaite simmawh uh a, amau utthu tawh amau utbang sem uhi – Mipi teel ulian hileh mipi aa ding deihsak ding hi. Tulai Myone leh Distirict uliante ut bangin gamta uh a, aminsiat leh mundang ah kisuansan ding hilel cih tawh deihsakna omloin kumpi nasep bangin tuat uh ahih manin Myone leh District Officer zong teel ding hoih hi ci-in Shin Hong Media interview ah gen hi. qDT, ZT

Naga Pawi Kiibawl Ding:

Kumsimin January 15 ni-in Naga pawi kibawlzel hi. Amasapen Naga pawi pen 1995 kumin khamti ah kibawl a, 2010 kumin gambup pawi bangin kumpi in bawlsak hi. 2011 panin Nahtahlah in teng 500 tawh Khamti leh Leshi ah bawlsak ding hi. qDT

U Aung Thaung Pen US In Blacklist Ah Koih:

USA – OFAC zum in October 31 ni-in USDP Taungtha MP U Aung Thaung pen Kawlgam Economic leh politics lam ah siatna atunpa abawlpa hi ci-in USA Blacklist ah koih a, Mipi Innpi ah hithu kikum uhi. USA in blacklist ah akoihna lungkimlohna pulak ding ci-in Mipi Innpi thukim hi. Hithu hangin U Aung Thaung leh Amara Bank kizopna om hi ci-in kigen a, sumkoih share neite in sum lakik ziahziah uhi ci-in kigen hi. qDT

Kachin State Ah 2015 Kiteelna Vote Zon Kipat Sawm:

Unity and Democracy party (Kachin state) in Myitkyina leh Shweku Myone ah votezon kipan ta hi ci-in party chairman in November 10 ni-in gen hi. UDP in Kachin gam – Phakant, PutaO, Myitkyina, Waimaw, Chiphwe, Mansi, Bamaw, Injang, Momauk khuate ah 2015 kumbul lam votezon kipatsawm uhi. UNP ah Party member 20000 ph-a, Party Chairman U Khet Theng Nan(MP) hi a, UDP zumpi pen Myitkyina ah om hi. Wuntanu Democratic party in Mandalay gamsung mun 20 ah kuang luisawm hi. Member 20000 kim om a, Party GS – Daw Nang Shwe Kya hi. 2010 kumin Mandalay mun 5 ah kuangluiin ngahna neilo-in 2012 kumin kuanghi lo hi. qDT

Kalay Sipin Zumte Nasepna Lungkimlohna Kilahsawm:

Sagaing Kalaymyo ah Myone Sipin Committee Chairman in Kalay gamsung siahlakna (tcGef-tax) leh khuasung puahna ah transperency omlo – sumvai genkhiatna om ngeilo a, thu kidongte zong gina takin adawnlohna hangin Kalaymyo Upper Chindwin Youth Network in Lungkimlohna kilahsawm hi ci-in Democracy Today ah November 11 ni-in kisuah hi. qMAL 1 N 14