KIIM Ministry makaihna tawh Cialpi Kinei ding
Khris sungah Zomi u le naute,
ISAIAH 44:22 “Na thu-palsatnate meiipi bangin, na khialhnate meiilum bangin ka phiatkhia khin zo hi; nang hong tan khin ka hih ciangin KEI KIANGAH HONG CIAH KIK IN” ci hi. Tu laitak Pasian tawh gamla mah tase leng, ni dang zah-a Pasian thu sungah lawp kei mah ta se leng, Pasian in ei hong sam den hi, amah in “KEI KIANGAH HONG CIAH KIK IN” hong ci hi.
Topa Pasian thupiakna tawh kizui-in KIIMinistry vaihawmna tawh, Rev. David Lah (La’ ci-a sim ding) leh Lasa siam minthang Naw Naw, Nyipulay, leh Phoe Phan te tawh Pasian phatna leh cialpi om ding hi.
A ni : Dec 12~14 (Friday- Sunday)
A hun : 1). Zingsang nai 9:00 ~ 10:00 – Thungetna hun
2). Thusinna hun nai 10:00 AM ~ 3:00 PM
3). Nitak kikhop nai 7:00 PM
A mun : Christ Chapel, Oral Robert University
Tulsa, Oklahoma
Sun hun sungin zong thusinna om ding a, Rev. David Lah leh Kawlgam pana hong pai, Sia Do Khan Khup te in hong neihpih ding uh hi.
Tua ahih manin, lawm le gual te ahi zongin, innkuan pih, sanggam u le nau te sam in, pai kim sawm ciat ni ci-in hong zawn nuam ung! Pasian in na nuntakna sungah na thak, lawnna thak, hopihna thak, amah kammal, amah mahmah hong kilangkhia ding lametna tawh hong pai in! Pasian in amah sungah hong thak suaksak ding hi! Pasian in na nuntakna hong lumletsak dingin kiging khol in!
Kimu ni!
–KIIMinistry (Khan International Intercession Ministry)
Comment piaknop aomleh...